20:272  persuader  et  croire  aux  simples  gens  telle  chose  pour  exterminer  un  pupille  :  et  ceux  qui  ont  quelques  lettres,  advocats  ou  docteurs,  et  autres  qui  ont  voulu  persuader  les  peuples  a  telle  chose,  ou  en  sont-ils  a.  ceste  heure?  Dieu  ne  monstre-il  point  sa  puissance?  Et  s'il  y  a  des  gens  au  monde  reprouvez,  je  pense  que  sont  ceux  la  qui  tortent  la  verite  de  Dieu  qu'ils  cognoissent  et  scavent  en  leurs  mensonges  insolentes.  Monsieur  Calvin,  je  suis  marrie  que  vous  ne  scaves  pas,  comme  la  moitie  du  monde  se  gouverne  en  ce  royaume,  et  les  adulations  et  envies  qui  y  regnent,  et  jusques  a  exhorter  les  simples  famelettes  dire  que  de  leurs  mains  elles  voudroient  tuer  et  estrangler:  ce  n'est  point  la  regle  que  Jesus-Christ  et  ses  apostres  nous  ont  baille,  et  je  le  dis  avec  tout  le  grand  regret  de  mon  coeur,  pour  l'affection  que  je  porte  a  la  religion  et  a  ceux  qui  en  portent  le  nom,  dont  je  ne  parle  pas  de  tous,  mais  d'une  grande  partie  de  ceux  que  je  y  cognois.  Et  quant  ils  voudront  dire  que,  ce  que  je  dis,  c'est  de  passion  que  j'aye  apres  mon  feu  gendre,  l'on  scait  bien  que  je  ne  m'en  suis  tant  passionnoe  ny  de  luy  ny  de  mes  propres  enfans:  et  ceux  qui  m'en  accusent  n'ont  pas  par  adventure  la  preuve  que  j'ay  faicte  de  les  avoir  laissez  poursuivre  le  sentier  et  chemin  que  Dieu  m'a  enseigne  et  les  voyages  ou  il  m'a  conduicte:  mais  je  voy  qu'il  y  a  des  gens  qui  sont  subjects  de  prendre  les  querelles  et  passions  des  autres,  sans  avoir  esgard  s'ils  procedent  de  Dieu  ou  non,  et  tortre  et  tirer  la  Saincte  Escriture  a  la  corde  de  leur  arc,  que  euxmesmes  ont  ourdie  et  ou  finalement  ils  trebucheront,  et  veulent  tousjours  demeurer  a  mentir  et  mesdire  et  en  faire  leur  gaudisserie,  et  vous  donnent  a  entendre  que  une  chose  soit  une  autre.  Je  vous  prie,  monsieur  Calvin,  d'en  faire  priere  a  Dieu,  afin  quil  vous  declare  la  verite  de  toutes  choses,  comme  il  vous  la  declaree  si  avant  en  tant  d'endroicts  que  j'ay  esperance  encores  que  par  vous  il  manifestera  des  maiices  occultes  que  je  voy  qui  regnent  aujourd'huy  en  ce  monde,  qui  me  faict  non  seulement  craindre  et  doubter  des  chastimens  de  Dieu  envers  ceux  de  son  eglise.  Au  reste,  je  n'ay  jamais  requis  ne  recherche  les  ministres  de  qui  j'ay  oui  tels  propos  de  prier  ny  pour  moy  ny  pour  autres,  et  laisse  tousjours  en  la  liberte  et  conscience  d'un  chascun  de  faire  ses  prieres:  et  a,  ceux  a  qui  je  donne  il  sembleroit  de  me  vouloir  recompenser  si  je  leur  disois  qu'ils  priassent  moy.  Nous  prions  tous  les  uns  pour  les  autres  en  la  priere  que  nostre  Seigneur  nous  a  enseignee:  toutesfois  je  ne  laisse  de  prier  Dieu  particulierement  pour  ceux  qui  me  semblent  que  Dieu  a  agreable  que  je  prie,  et  particulierement  pour  les  domestiques  de  la  foy  et  ceux  qui  annoncent  la  parole  de  Dieu,  et  pour  le  Roy  que  Dieu  nous  a  donne,  et  princes,  sieurs  et  juges