51:271  271  SERMON  III  272  iette  de  bons  fruicts.  Car  aussi  cependant  que  Dieu  nous  laisse  en  nostre  naturel,  nous  ne  pouvons  faire  que  tout  mal  :  d'autant  qu'en  la  nature  des  hommes  il  y  a  une  corruption  et  perversite  si  grande,  que  tout  ce  qu'ils  pensent  et  tout  ce  qu'ils  font,  est  contraire  a  la  iustice  de  Dieu.  Il  n'y  a  donc  autre  moyen,  sinon  que  Dieu  nous  change.  Et  ce  changement,  dont  procede-il  sinon  de  ceste  grace  dont  nous  avons  parle,  c'est  a  scavoir,  d'autant  qu'il  nous  a  eleus  et  choisis  pour  ses  enfans  devant  que  nous  fussions  nais  au  monde?  Cependant  nous  avons  aussi  a  noter  que  Dieu  laissera  bien  aller  ses  eleus  pour  quelque  temps,  qu'il  semblera  qu'ils  soyent  du  tout  perdus  et  esgarez:  mais  quand  il  luy  plaist,  il  les  ramene  a  son  troupeau.  Et  cela  est  pour  les  humilier  tant  plus:  et  a  fin  que  sa  bonte  et  misericorde  soit  tant  mieux  cognue  de  tout  le  monde.  Si  Dieu  faisoit  cheminer  en  integrite  de  vie,  des  leur  premiere  enfance,  tous  ceux  qu'il  a  eleus,  on  ne  pourroit  pas  si  bonnement  discerner  que  cela  vient  cela  grace  de  son  S.  Esprit  :  mais  quand  on  verra  des  povres  gens,  qui  avoyent  este  pour  un  temps  dissolus  et  abandonnez  a  mal,  qu'on  les  verra  tout  changez,  cela  ne  peut  advenir  que  Dieu  n'y  ait  besongne  et  mis  la  main.  Voila  donc  une  cause  pourquoy  Dieu  differe  d'appeler  ceux  qu'il  a  eleus:  ie  di,  ies  toucher  au  vif,  par  son  S.  Esprit,  a  fin  de  les  faire  cheminer  en  son  obeissance.  Car  quand  nous  voyons  que  soudain  et  outre  l'attente  et  oppinion  commune,  ils  ont  este  reformez:  en  cela  cognoissons  nous  que  Dieu  a  desploye  ses  vertus  en  eux  (comme  i'ay  dit.)  Et  aussi  d'autrepart,  chacun  de  nous  est  convaincu  par  experience  que  nous  devons  a  Dieu  tout  le  bien  qui  est  en  nous.  Car  si  de  nature  nous  sommes  enclins  a  quelque  vice,  et  puis  que  cela  se  corrige,  nous  sentons  bien  que  Dieu  nous  a  regardez  en  pitie.  Voila  donc  comme  nous  avons  occasion  de  tant  plus  nous  humilier,  voyant  que  nous  estions  en  voye  de  perdition,  iusqu'a  ce  qu'il  nons  en  ait  retirez.  Et  il  nous  faut  bien  noter  cela  :  car  il  y  a  des  fantastiques  qui  pensent  que  Dieu  conduise  par  son  S.  Esprit  ceux  qu'il  a  eleus,  tellement  que  des  qu'ils  sont  nais  au  monde  ou  sortis  du  ventre  de  la  mere,  que  desia  ils  sont  sanctifiez  :  mais  le  contraire  se  monstre.  Et  de  faict,  nous  voyons  aussi  que  dit  S.  Paul  en  un  autre  passage,  quand  il  parle  aux  fideles,  Tous  avez  este  (dit-il)  les  uns  plongez  en  avarice,  les  autres  adonnez  a  cruaute,  les  autres  trompeurs,  les  autres  paillars  et  dissolus,  les  autres  gourmans  et  yvrongnes  :  brief,  vous  estiez  pleins  de  pollution:  mais  Dieu  vous  a  changez,  et  vous  ayant  nettoyez  de  telles  ordures  et  pollutions,  il  vous  a  dediez  a  soy.  Et  puis  il  dit  aux  Romains,  Vous  devez  avoir  honte  de  la  vie  que  vous  avez  menee  devant  que  Dieu  vous  retirast  a  soy.  Ainsi