5:271  EPISTOLA  I.  Syriae  universam,  religionis  suae  consciam  faceret.  An  vero  quum  potentissimus  dynastes  (quem  quotidianis  sacrificiis  deos  suos  placare  oportebat,  si  aliqua  eorum  religione  teneretur,  et  solitum  antea  fuisse  verisimile  est)  ne  exiguo  quidem  thure  in  tota  vita  litaret,  ignoraret,  imo  dubitaret  quisquam,  deos  illos  abnegasse,  quos  honore  nullo  dignaretur?  Quid  ergo  postea  deprecatur,  sibi  ut  in  idoli  templo  adorare  liceat?  Simulandae  superstitionis  causa  si  id  postulasse  probarent  et  a  propheta  obtinuisse,  verbum  non  adderem:  sed  si  rem  longe  secus  habere  ipsa  sacrae  historiae  verba  clamant,  facile  haec  iam  solvitur  difficultas:  praesertim  [pag.  371  u째i  constat,  sic  publicata  eius  religione,  qualiter  evulgaturum  se  promittebat,  nullum  superfuisse  dubitationi  locum,  quin  idola  omnia  plano  et  contemneret  et  exsecrationi  haberet.  Haec  autem  est  postulati  forma:  Si  templum  Remon  ingrediatur  forte  rex  meus,  et  mihi  innixus  adoraverit,  ego  quoque  si  simul  in  templo  Remon  adoraverim,  hanc  rem  ne  imputet  Dominus  servo  suo.  Illud  de  rege  in  illum  innitente  tam  aperte,  tamque  notabiliter  dictum  si  vel  non  observant,  vel  abs  re  positum  putant,  valde  sunt  hebetes.  Nam  inde  citra  controversiam  colligitur,  non  aliam  sibi  concedi  adorationem  petiisse,  quam  qua  se  ad  regis  inclinationem,  quem  fulciebat  ipse  et  sustentabat,  accommodaret.  Id  autem  erat,  non  idoli  cultum  fingere,  sed  sua  regi  officia  obsequiaque  reddere.  Nunc  si  Naaman  imitari  volunt,  ne  sint  illi  in  eo  dissimiles,  in  quo  solo  a  me  reprehenduntur.  Id  sibi  habeant  cum  illo  commune,  quo  solo  consequutus  est  ille,  reprehensione  ut  suum  factum  careret:  nempe  omni  se  idololatriae  suspicione  prius  liberent,  quamque  toto  animo  ab  illis  superstitionibus  abhorreant,  quarum  incidere  posset  dubitatio,  testatum  omnium  hominum  conscientiis  faciant.  Id  ubi  praestiterint,  tum  demum  videbo,  simne  illis  concessurus,  ut  civilis  officii  causa,  sive  in  cognatorum  honestandis  funeribus,  sive  nuptiis  celebrandis,  ad  missas,  aliaque  eiusmodi  profana  sacra  interdum  accedant.  Iam  et  ex  eo  quod  in  epistola  illa  legitur,  quae  sub  Ieremiae  titulo  fertur,  ad  populum  Babylone  exsulantem,  nonnullam  sibi  defensionem  quaerunt.  Nam  quemadmodum  illic  captivo  populo  suadebat  propheta,  vel  quisquis  fuit  epistolae  autor,  ut  quoties  in  humeris  circumferri  aureos  et  argenteos  deos  videret,  turbamque  undequaque  obstupescentem,  ne  ipse  eodem  afficeretur  stupore,  sed  adorans  in  corde  suo  diceret:  Te  oportet  adorari,  Domine  (Bar.  6,  3),  ita  se  aiunt,  dum  inter  saeculi  huius  sacrilegia  versantur,  cordibus  tamen  ad  Dominum  sublatis  cogitare  illum  esse,  quem  oporteat  adorari.  Quasi  vero  ad  interiorem  cordis  adorationem  dum  illos  avocaret  propheta,  simul  adnueret  nihil  periculi  fore,  si  vultu  ad  simulacrorum  cultum  composito,  Babyloniis  interim  gratificarentur.  At  vero