29:271  271  HOMILIA  in.  272  adeo  perspicacem  esse,  qui  de  rebus  incertis  et  incognitis  iudicans,  falli  et  errare  non  possit.  De  rebus  quidem,  quas  a  Deo  ipso  praescriptas  scimus,  certum  ex  ipsius  verbo  iudicium  ferendum:  at  in  mediis,  non  temere  de  proximis  iudicandum.  Quare  quum  Heli  deceptum  in  Anna  tam  ardenter  Deum  orante  videamus,  ut  temulentam  arbitratus  sit,  quanta  cura  et  sollicitudine  nos  decet  iudicium  cohibere,  ne  severius  in  proximorum  facta  inquirentes  de  ipsis  sententiam  temere  feramus?  Ea  summi  pontificis  erat  autoritas,  ut  quemlibet  arguere  ac  reprehendere  peccantem  posset,  a  Deo  nimirum  institutus  ut  tanquam  ipsius  legatus  sacerdotium  exerceret:  culpam  tamen  erroremque  suum  agnoscit.  Quare  discendum,  in  rebus  dubiis,  quae  in  bonam  vel  malam  partem  trahi  possunt,  rem  totam  Deo,  rece8suum  cordis  humani  vero  scrutatori  et  iudici,  committendain:  quae  certissima  est  iudiciorum  omnium  regula,  ne  in  nos  istud  quadret:  A  temerario  iudice  praeceps  sententia,  temere  de  re  quapiam  iudicantes.  Si  tamen  in  eiusmodi  hypocritas  forte  lnciderimus,  quibus  ista  sola  precum  demurmuratio  placet,  merito  detestari  illos  debemus:  quod  sola  ambitione  ducti  laudem  apud  homines  aucupentur,  ac  levibus  rumusculis  oblectentur,  nullum  interea  verae  pietatis  gustum  habentes.  At  si  quis  seorsim  et  velut  in  occulto  Deum  orans  voces  quasdam  abruptas  et  intercisas  emittat,  ac  demurmures  gestumque  prae  se  ferat  coetu  quolibet  indignum,  temerarium  et  arrogans  fuerit,  Deoque  ipsi  et  proximis  nostris  iniuriosum.  Atque  hac  in  parte  lapsus  est  Heli,  quanquam  incautus.  Nam  bonas  fuisse  Hannae  preces  et  a  Dei  spiritu  profectas  certum  est:  Quare  dum  illam  temulentiae  redarguit,  non  modo  in  mulierculam  est  iniurius,  sed  in  Deum  ipsum,  licet  non  volens,  tamen  blasphemus.  Scimus  enim  spiritum  sanctum  nostrarum  precum  esse  autorem  et  impulsorem  :  ac  sine  illius  instinctu  ne  os  quidem  nobis  ad  Deum  patere.  Quare  diligenter  haec  doctrina,  non  tantum  in  precibus,  sed  in  caeteris  omnibus  rebus  est  observanda,  futuris  alioquin  nobis  in  Deo  invocando  tardioribus  ac  segnioribus.  Etsi  enim  innumeris  vitiis  vita  nostra  referta  est,  in  illis  tamen  istud  maximum  est,  quod  tanta  in  iudicando  nostra  temeritas  est,  ut  sine  ratione  ac  iudicio,  quidlibet  nostra  sententia  et  calculo  notemus:  unde  fit  ut  de  rebus  incognitis  iudicantes,  in  ipsum  Deum  contumeliosi  simus,  id  tanquam  malum  damnantes  quod  in  bonam  partem  accipi  potest.  Consideranda  vicissim  Annae  modestia,  quae  licet  a  pontifice  iniuriam  passa,  tamen  cum  reverentia  et  humilitate  respoudet,  se  minime,  ut  rebatur,  ebriam  sed  ex  ardenti  affectu  et  animi  moerore  coram  Deo  gemere,  seque  nec  vinum,  nec  aliam  ullam  inebriantem  potionem  bibisse.  Quam  multos  hodie  videas  falso  accusatus  hanc  modestiam