20:271  271  EPISTOLAE  4085.4086  272  clorre  et  serrer  la  bouche  a  ceux  qui  le  scavent.  Et  quant  a  moy  je  scay  fort  bien  que  je  ay  este  haye  et  abominee  de  plusieurs  pource  qu'il  estoit  mon  gendre,  a  qui  Ton  a  voulu  charger  les  fautes  de  tous.  Ne  voyez-vous  point  encores  que  Fon  ne  s'en  peut  rassasier  apres  son  trespas?  Et  quant  il  auroit  este  le  plus  malheureux  et  plus  reprouve  qui  oncques  eust  este,  et  l'on  ne  veut  jamais  parler  d'autre  chose.  Comme  un  secretaire  de  M.  d'Acqs  disoit  un  jour  a  la  Royne  de  Navarre  et  a  moy,  en  ce  lieu,  touts  les  maux  qu'il  est  possible  de  luy  et  de  quelqu'autres,  et  que  je  luy  dist  devant  elle  et  l'a  jure  qu'il  dist  la  verite,  si  ce  qu'il  disoit  estoit  vray  ou  non,  il  nous  confessa  qu'il  n'en  estoit  rien  et  nomma  celuy  qui  luy  avoit  appris  a  dire  telle  nouvelle  de  luy  pour  luy  mettre  a  sus  chose  qu'il  n'avoit  pas  pensee,  et  que  c'estoit  pour  maintenir  la  religion:  chose  que  ladicte  dame  approuva,  et  qu'il  se  falloit  defendre  en  toutes  les  sortes  que  l'on  pouvoit,  et  que  le  mensonge  estoit  bon  et  sainct  en  cest  endroit,  comme  beaucoup  disent  et  tiennent  A  quoy  je  ne  peus  faire  que  je  ne  resistasse,  disant  que  Dieu  n'est  point  le  pere  du  mensonge,  mais  que  c'est  le  diable,  et  que  Dieu  c'est  le  Dieu  de  verite,  et  que  sa  parolle  est  asses  puissante  pour  defendre  les  siens  sans  prendre  les  armes  du  diable  et  de  ses  enfans.  Toutesfois  ladite  dame  a  si  bon  zele  et  si  bon  jugement  en  beaucoup  de  choses  que  je  desire  m'y  exempler:  et  comme  la  seue  Royne  de  Navarre  a  este  la  premiere  princesse  de  ce  royaume  qui  a  favorise  l'evangile,  il  pourroit  estre  que  la  Royne  de  Navarre  sa  fille  parachevera  a  l'y  establir,  et  me  semble  qu'elle  y  est  autant  propre  que  princesse  ny  femme  que  je  congnoisse:  je  luy  porte  amour  de  mere,  et  admire  et  loue  les  graces  que  Dieu  luy  a  departis.  Et  pour  revenir  au  propos  cy-dessus,  monsieur  Calvin,  il  faut  que  je  vous  die  que  j'ay  ouy  parolles  telles  que  je  serois  trop  longuement  a.  les  reciter,  et  d'une  bonne  et  saincte  querelle  de  defendre  les  enfants  de  Dieu  et  les  maintenir,  on  en  faict  quelquesfois  un  diabolique:  et  pour  les  envies  qui  ont  este  entre  le  Roy  de  Navarre,  monsieur  le  connestable  et  mon  dict  gendre,  il  faut  vous  desguiser  la  parolle  de  Dieu,  et  semble  que  apres  qu'il  a  este  tue  que  encores  qu'il  n'y  a  que  luy  qui  puisse  offenser  ceux  de  la  religion  ne  qui  puisse  favoriser  les  papistes.  Les  corps  des  hommes,  quant  les  ames  en  sont  dehors,  ne  font  point  ces  miracles,  ni  encores  quant  ils  sont  vivans  en  ce  monde  un  homme  ne  peut  defaire  tant  de  gens  comme  on  luy  met  a.  sus,  mais  ceux  qui  ont  voulu  entrer  en  particularite  et  qui  ont  voulu  persuader  que  le  Roy  de  Navarre,  et  apres  le  prince  de  Conde,  estoyent  le  Roy  David,  et  que  David  estoit  leur  similitude  et  non  point  celle  de  Jesus  Christ,  et  qui  ont  laisse