15:271  271  EPISTOLAE  2032.2034  272  indigne  non  minus  quam  hostiliter  vexor.  Si  decima  tantum  ex  parte  scias,  quam  atrocibus  probris  lacerer,  pro  tua  humanitate  ingemiscas  miseriis,  ad  quas  obdurui.  Undique  me  canes  allatrant.  Haereticus  passim  vocitor.  Quidquid  fingi  calumniarum  potest  in  me  congeritur.  Denique  me  invidi  et  malevoli  ex  grege  nostro  infestius  oppugnant,  quam  aperti  hostes  ex  papatu.  Non  tamen  ita  sum  meritus  vel  de  ecclesia  Dei,  vel  de  ipsis,  ut  tam  iniquam  mercedem  rependere  debeant.  Auctarium  ut  istinc  accederet,  non  timui.  De  diacono  tuo  loquor,  quem  tua  conniventia  minime  ali  oportuit,  quum  non  minus  impie  contra  puram  religionem  insurgeret,  quam  improbe  homini  innoxio  maledicebat.  Et  tamen  non  aliud  postulo,  nisi  ut  mihi  permittas  eius  contumelias  leniter  ferre.  Quanta  fide  et  integritate  Christo  servieris,  quam  cordate  functus  sis  tuo  officio,  quam  constanter  et  labores  et  certamina  quibus  te  exercuit  Dominus,  sustinueris,  ego  tibi  testis  sum:  ac  te  in  posterum  perpetuo  tui  similem  fore  confido.  Itaque  nihil  magis  cupio,  quam  salvam  inter  nos  benevolentiam  manere,  quo  alacrius  etsinceriore  studio  nos  ultro  citroque  iuvare  pergamus.  Vale,  eximie  ,vir  et  colende  frater.  Dominus  tibi  semper  adsit,  te  gubernet,  ac  tuos  labores  benedicat.  Collegae  mei  te  plurimum  sajhitant.  Genevae,  15.  Octob.  1554.  Ioannes  Calvinus  tuus.  2033.  SIDEMANNUS  1)  CALVINO.  Calvinum  quanquam  ignotus  homo  alloquitur  occasione  oblata,  et  optat  ut  eius  autoritate  in  ecclesiis  misere  turbatis  concordia  aliqua  instauretur,  ubi  minimus  quisque  se  Lutherum  existimat.  (Ex  Cod.  Genev.  113,  fol.  87,  autogr.)  Reverendo  et  clarissimo  viro  D.  Ioanni  Calvino  docenti  evangelium  de  filio  Dei  Genevae,  domino  suo  observando.  S.  D.  Qui  has  tibi  reddit  occasionem  scribendi  mihi  ad  te  dedit.  Percontanti  enim  diligenter  de  te  tuisque  rebus  adeo  satisfecit,  ut  inflammaverit  etiam  me  ut  ignotus  ad  ignotum  literas  dare  auderem,  etsi  tu  quidem  mihi  notissimus  es  tuis  erudi-  2033.1)  Martinus  Seidemann  professor  nunc  Erfordiensis  postea  Wittembergam  vocatus  obiit  1558.