7:270  socordia,  sed  etiam  perfidia?  Quanquam  operae  pretium  est  expendere,  quam  argutus  sit  ratiocinator  Frenesii  scriba.  Sacrificium  est,  inquit,  leges  de  religione  sancire,  et  quidem  Deo  gratissimum.  Ergo  a  Caesaris  persona  hoc  abhorret.  Hoc  vero  est  non  argumentari,  sed  porcorum  more  omnia  turbare,  [pag.  61]  Quid  enim  erogare  eleemosynas?  Quid  impendere  se  publicis  commodis?  Quid  populos  in  puro  Dei  cultu  continere?  Quid  denique  se  ipsum  dedicare  Deo?  Non  sunt  haec  etiam  sacrificia,  non  suavis  gratique  odoris?  Et  tamen  piorum  omnium  communia  sunt.  Quid  praeterea  blateras,  placere  Deo,  ut  leges  de  religione  sanciantur,  quod  a  diabolica  audacia  proficisci  scriptura  clamat?  Nam  et  Caesaris  et  omnium  mortalium  est,  unum  audire  legislatorem,  quod  ad  spirituale  animae  regimen  spectat,  et  quascunque  ille  sciverit  leges,  ratas  sine  exceptione  habere.  24)  Non  contentus  communi  sacerdotum  praerogativa,  singulare  fastigium  conscendit.'  Nostrum,  inquit,  in  primis.  Quo  autem  iure?  Quia  data  nobis  est  ligandi  et  solvendi  potestas.  Quid  aliis?  Omnibus  enim  simul  apostolis  dictum  est:  Quodcunque  ligaveritis.  Quod  omnibus  Christus  communicat,  tu  praedatoria  violentia  tibi  rapies?  Tu  ecclesiam  nudabis,  ut  eius  te  spoliis  vestias?  25)  Eximium  sane  privilegium,  ut  impune  ruant  in  omne  scelerum  genus  sacerdotes,  et  soli  Deo  iudicium  relinquatur.  Quod  si  ita  est,  quorsum  illa  vetus  disciplina  cleri,  quae  in  chartis  [pag.  62]  nunc  exstat,  olim  in  ecclesia  locum  habuit?  Nam  si  iudicium  sibi  in  sacerdotes  sumunt  episcopi,  gigantum  more  Deum  a  sede  sua  disturbare  moliuntur.  At  episcopis  est  permissum.  Quid,  si  Deus  sibi  hoc  asseruit  soli,  tu  ad  sacerdotes  trans-