55:270  est  in  carne,  destitit  a  peccato:  2.  ne  amplius  hominum  concupiscentiis,  sed  voluntati  Dei,  quod  residuum  est  temporis  in  carne,  vivat.  3.  Satis  enim  nobis  est  quod  anteacto  vitae  tempore  voluntatem  gentium  patraverimus,  quum  ambularemus  in  lasciviis,  concupiscentiis,  vinolentiis,  comessationibus,  potationibus,  et  nefariis  idololatriis.  4.  Quod  illis  videtur  insolens,  quod  non  concurratis  in  eandem  luxus  pro'  fusionem,  ideoque  male  loquuntur:  5.  qui  reddituri  sunt  rationem  ei  qui  paratus  est  iudicare  vivos  et  mortuos.  1.  Christus  igitur,  ete.  Quum  nuper  Christum  proponeret,  tantum  de  crucis  tolerantia  disserebat:  nam  interdum  crux  mortificatio  vocatur,  quia  afflictionum  exercitiis  corrumpitur  homo  exterior,  caro  etiam  nostra  domatur.  Nunc  autem  altius  conscendit:  tractat  enim  de  totius  hominis  reformatione.  Duplicem  hanc  mortis  Christi  similitudinem  scriptura  nobis  commendat:  nempe  ut  illi  configuremur  in  probris  et  aerumnis:  deinde  ut  nobis  mortui,  et  extincto  veteri  homine,  renovemur  in  spiritualem  vitam.  Tametsi  non  simpliciter  considerandis  est  nobis  Christus  tanquam  exemplum,  ubi  de  carnis  mortificatione  agitur:  sed  spiritu  eius  vere  inserimur  in  eius  mortem,  ut  ipsa  in  nobis  sit  efficax  ad  crucifigendam  carnem  nostram.  In  summa,  sicuti  Petrus  in  fine  proximi  capitis,  nos  Christi  exemplo  hortatus  est  ad  patientiam,  quia  mors  illi  transitus  ad  vitam  fuerit:  ita  nunc  ex  eadem  morte  ducit  altiorem  doctrinam,  quod  scilicet  carni  et  mundo  nos  mori  oporteat.  Sicuti  ad  Romanos  capite  6,  ubi  fusius  hoc  argumentum  prosequitur  Paulus.  Ideo  dicit  armamini,  significans,  vere  et  efficaciter  nos  invictis  armis  instrui  ab  subigendam  carnem,  si  vim  mortis  Christi  percipimus  ut  decet.  Quod  scilicet  qui  passus.  Particulam  8tt  non  puto  hic  notare  causam,  sed  potius  expositive  capi.  Declarat  enim  Petrus  quaenam  sit  illa  cogitatio  qua  mors  Christi  nos  armat:  nempe  quod  abolitum  peccati  regnum  in  nobis  esse  debeat,  ut  Deus  in  vita  nostra  reget.  Male  Erasmus,  meo  iudicio:  qui  vertit  patiebatur,  ad  Christum  referens.  Nam  est  indefinita  oratio,  quae  generaliter  ad  omnes  pios  extenditur:  atque  omnino  eundem  habent  sensum  haec  verba,  quem  illa  Pauli  ad  Romanos  cap.  6,  7,  Qui  mortuus  est,  iustificatus  est,  vel  absolutus  a  peccato.  Uterque  enim  apostolus  significat,  ex  ^uo  mortui  sumus  in  carne,  nihil  esse  nobis  amplius  cum  peccato  negotii,  ut  vigeat  in  nobis,  ac  suam  vim  in  vita  nostra  exerceat.  Obiici  tamen  poterit,  improprie  hic  loqui  Petrum,  dum  nos  in  eo  conformes  Christo  facit,  quod  in  carne  patimur.  Certum  enim  est,  nihil  fuisse  in  Christo  vitiosum  quod  corrigi  debuerit.  Verum  facilis  est  solutio*