47:270  44.  Fasciis  vinctus.  Diligenter  recenset  evangelista  sudarium  et  fascias,  ut  sciamus  prodiisse  Lazarum  ex  sepulcro,  sicuti  positus  illic  fuerat.  Hunc  quoque  sepeliendi  morem  retinent  hodie  Iudaei,  ut  corpus  linteo  tegentes  caput  seorsum  peplo  involvant.  Solvite.  Restabat  hoc  ad  amplificandam  miraculi  gloriam,  ut  divinum  opus  quod  adspexerant  suis  oculis  Iudaei  manibus  etiam  palparent.  Facere  enim  poterat  Christus  ut  fascias,  quibus  ligatus  erat  Lazarus,  excuteret  vel  ut  sponte  defluerent,  sed  voluit  Qhristus  adstantium  manus  sibi  adhibere  testes.  Ter  autem  ridiculi  sunt  papistae,  qui  auricularem  confessionem  inde  eliciunt.  Christus,  inquiunt,  postquam  Lazarum  vitae  reddiderat,  a  discipulis  suis  solvi  voluit.  Ergo  non  satis  est  reconciliari  nos  Deo,  nisi  ecclesia  quoque  peccata  nobis  remittat.  Sed  unde  solvendi  Lazari  iniunctas  discipulis  fuisse  partes  divinant?  Quin  potius  id  Iudaeis  mandasse  colligimus,  quo  illis  omnem  dubitationis  scrupulum  eximeret.  45.  Multi  ergo  ex  Iudaeis,  qui  venerant  ad  Mariam  et  conspexerant,  quae  fecerat  Iesus,  crediderunt  in  eum.  46.  Quidam  autem  ex  illis  abierunt  ad  Pharisaeos  et  dixerunt  illis,  quae  fecerat  Iesus.  47.  Collegerunt  ergo  pontifices  et  Pharisaei  concilium  et  dixerunt:  Quid  facimus?  quia  hic  homo  multa  signa  facit.  48��  Si  dimittimus  eum  sic,  omnes  credent  in  eum:  et  venient  Romani,  et  tollent  locum  nostrum  et  gentem.  49.  Unus  autem  ex  illis  Caiphas,  qui  pontifex  erat  anni  illius,*  dixit  eis:  Vos  nescitis  quidquam,  50.  neque  reputatis,  quod  expedit  nobis,  ut  moriatur  unus  homo  pro  populo,  et  non  pereat  tota  gens.  51.  Hoc  autem  a  se  ipso  non  dixit,  sed  quum  esset  pontifex  anni  illius,  prophetavit  quod  Iesus  moriturus  esset  pro  gente,  52.  nec  pro  gente  solum,  sed  ut  filios  Dei,  qui  dispersi  erant,  congregaret  in  unum.  45.  Multi  ergo.  Non  passus  est  Christus  fructu  carere  quod  ediderat  miraculum,  quia  hoc  modo  quosdam  ad  fidem  adduxit.  Tenendus  est  enim  duplex  miraculorum  usus,  nempe  ut  vel  ad  fidem  nos  praeparent,  vel  in  fide  confirment:  priorem*  hic  notat  evangelista.  Eos  enim,  de  quibus  loquitur,  divinam  Christi  potentiam  miratos  ac  reveritos  fuisse  intelligit,  ut  se  illi  discipulos  subiicerent:  alioqui  nudum  miraculum  sufficere  ad  fidem  non  poterat.  Ideo  credendi  verbo  nihil  aliud  hic  intelligi  debet  quam  docilitas  ad  amplexandam  Christi  doctrinam.  In  aliis,  qui  Christum  deferunt,  detestabilis  ingratitudo  apparet  vel1  potius  horribilis  furor,  unde  colligimus  quam  caeca  et  vesana  sit  impietas.  Resurrectio  certe  Lazari  vel  lapidea  corda  mollire  debuerat,  sed  nullum  est  Dei  opus,  quod  non  impietas