20:270  par  un  moyen  de  mensonge  qui  me  sembloit  illicite,  l'autre  par  un  jugement  de  l'election  et  reprobation  causee  des  prieres  des  hommes  qu'il  me  sembloit  qu'il  me  declaroit  par  cela  une  haine  diabolique  pour  m'inciter  a  hayr  ce  que  Dieu  ne  m'a  pas  commande:  car  combien  que  je  n'eusse  point  oublie  l'article  de  vostre  lettre  que  David  a  hay  les  ennemis  de  Dieu  de  haine  mortelle,  je  n'entend  point  de  contrevenir  de  deroger  en  rien  a  cela:  car  quand  je  scaurois  que  le  Roy  mon  pere,  et  la  Royne  ma  mere,  et  feu  monsieur  mon  mary,  et  tous  mes  enfans  seroient  reprouvez  de  Dieu,  je  les  voudrois  hayr  de  hayne  mortelle  et  leur  desirer  l'enfer,  et  me  conformer  a  la  volonte  de  Dieu  entierement,  s'il  luy  plaisoit  m'en  faire  la  grace  :  mais  si  voy-je  gens  si  partiaux  en  leurs  affections,  et  ouy  propos  si  estranges  dont  ne  vous  en  ay  escrit  les  moindres:  et  quant  a  mon  feu  gendre,  il  me  semble  que  l'on  peut  trop  veoir  et  cognoistre  sy  j'ay  ploye  pour  luy  en  endroit  nul  que  ce  soit,  mais  si  c'a  este  luy  qui  a  ploye  a  maintenir  ceux  de  la  religion  que  j'ay  eu  en  ceste  ville,  jusques  a.  en  estre  repondant  luy  et  le  cardinal  de  Lorraine  10)  a  la  Royne,  et  si  Dieu  a  adopte  leur  moyen  pour  les  maintenir,  et  non  seulement  pour  ce  lieu,  mais  s'estoit  encores  employe  pour  empescher  qu'on  ne  confisquast  Chastillon,  qui  est  a  monsieur  l'admiral  et  du  ressort  de  ce  bailliage  de  Montargis,  et  qu'il  ne  fust  saccage  ny  travaille.  Encores  que  ce  sont  choses  que  je  scay  bien  que  l'on  ne  veut  pas  qui  soyent  entendues  n'y  congneues,  je  le  dis  devant  Dieu  qui  en  scait  la  verite,  et  pour  cela  ne  veux  pas  excuser  les  defauts  de  mon  gendre  en  ce  qu'il  n'avoit  point  la  cognoissance  de  Dieu,  mais  en  ce  que  l'on  dit  que  ce  a  este  luy  seul  qui  a  allume  le  feu.  L'on  scait  bien  qu'il  s'estoit  retire  en  sa  maison  d'ou  il  ne  vouloit  bouger,  et  les  lettres  et  messages  qu'il  eut  pour  s'en  faire  partir,  et  que  encores  maintenant  qu'il  est  mort  et  qu'il  n'y  est  plus,  que  tels  venins  de  haines  si  pestilencieux  ne  se  veulent  jamais  acquicter  de  se  declarer  par  tous  les  mensonges  que  l'on  peut  controuver  et  s'imaginer:  il  faut  que  je  vous  die  que  je  ne  tiens  ny  estime  que  telles  parolles  de  mensonges  procedent  de  Dieu.  Je  scais  qu'il  a  persecute,  mais  je  ne  scay  pas  ny  ne  croy  pas,  pour  le  vous  dire  librement,  qu'il  soit  reprouve  de  Dieu:  car  il  a  donne  signe  au  contraire  avant  que  de  mourir:  mais  l'on  ne  veut  pas  qu'il  se  die,  et  l'on  veut-  10)  ll  etait  revenu  de  Trente  a  la  cour  vers  la  fin  de  Janvier.  Chantonnay  27.  Janv.  (Mem.  de  Conde  II.  190):  L'on  tient  pour  certain  que  le  Cardinal  sera  en  ceste  court,  dans  deux  jours:  aussi  a-il  este  mande  pour  y  venir.  Languet  d.  d.  3.  Febr.  p.  283:  Card.  Lotharingus  tandem  29,  lan.  venit  in  aulam  quae  aberat  hinc  duobus  milliaribus  in  coenobio  S.  Mauri  ad  Matronam.