7:27  27  ARTICULI  FACULTATIS  PARISIENSIS  28  palam  est.  Refert  etiam  Augustinus,  *)  quas  excusationes  praetexere  solebant  sui  temporis  idololatrae.  Dicebant  enim  vulgares,  se  non  visibile  illud  colere,  sed  numen  quod  illic  invisibiliter  habitabat.  Qui  vero  purgatioris,  ut  ipse  loquitur,  religionis  erant,  nec  simulacrum,  nec  daemonium  se  colere  aiebant,  sed  per  effigiem  corpoream  intueri  eius  rei  signum,  quam  colere  deberent.  Idem  ex  Eusebio  et  Lactantio  licet  intelligere.  Quum  ergo  nihil  a  veteribus  idololatris  differant,  qui  hodie  se  prosternunt  coram  statuis,  constituimus  ex  verbo  Dei,  et  veterum  patrum  sententia,  morem  hunc  aperte  damnari.  Et  certe  verum  est  quod  ait  Augustinus,  neminem  orare,  vel  adorare  intuentem  simulacrum,  quin  ab  eo  exaudiri  se  putet.  Hoc  enim  facit  et  quodammodo  extorquet  illa  membrorum  figura,  inquit,  uti  animus  in  corpore  vivens,  arbitretur  sentire  corpus,  quod  suo  simillimum  videt.  Proinde  quum  in  loco  eminenti  locantur,  ut  a  precantibus  videantur,  ipsa  similitudine  animatorum  membrorum  et  sensuum,  quamvis  sensu  et  anima  careant,  afficiunt  infirmos  animos,  ut  vivere  ac  spirare  videantur.  Hac  ratione  decretum  fuit  olim,2)  ne  qua  pictura  in  templis  esset,  ne  quod  colitur  vel  adoratur  in  parietibus  sit  depictum.  Ideo  Ambrosius8)  de  Helena  loquens:  Invenit  titulum,  inquit,  regem  adoravit,  non  lignum  utique,  quia  hic  gentilis  est  error,  et  vanitas  impiorum.  ARTICULUS  XVII.  De  purgatorio.  Ad  haec  firmiter  credendum  est  et  nullatenus  dubitandum  purgatorium  esse:  in  quo  animae  detentae  oratione,  ieiunio,  eleemosyna  aliisque  bonis  operibus  iuvantur,  ut  citius  liberentur  a  poenis.  Probatur  sic:  Quia  multis  sanctis  monachis,  et  devotis  matronis  factae  sunt  variae  apparitiones,  ubi  animae  hoc  dixerunt:  sicut  habetur  in  dialogis  G-regorii  ad  longum,  imo  per  totum.  Quod  si  Lutherani  pro  nihilo  reputent  tales  revelationes,  sicut  ipsi  dicunt,  vel  esse  phantasias  cerebri  male  dispositi,  vel  spectra  et  praestigias,  quibus  Satan  illusit  hominibus:  respondeo,  authenticas  fuisse  factas  per  autoritatem  Gregorii,  qui  fuit  papa.  Probatur  deinde,  per  longi  temporis  praescriptionem.  Quia  omnes  ecclesiae  sunt  fundatae  super  opinionem  purgatorii:  vel  saltem  locupletatae,  quoad  anniversaria.  Imo  etiam  pagani  iam  habebant  istam  notitiam,  sicut  apparet  tum  ex  poetis,  et  praesertim  ex  Ovidio.  1)  In  Psal.  113.  2)  Concil.  Eliberit.  c.  36.  3)  Orat.  habita  in  funere  Theodosii.