6:27  LE  CATECHISME  DE  GENEVE.  qu'il  est  mort,  mais  est  parle  de  Ponce  Pilate,  soubz  lequel  il  a  souffert?  L'ENFANT.  Cela  n'est  pas  seulement  pour  nous  asseurer  de  la  certitude  de  l'histoire:  mais  est1)  aussi  pour  signifier  que  sa  mort  emporte  condemnation.  LE  MINIS  TRF.  Comment  cela?  I'E^PANT  II  est  mort  pour  souffrir  la  peine  qui  nous  estoit  deue,  et  par  ce  moyen  nous  en  delivrer.  Or  pource  que  nous  estions  coulpables  devant  le  iugement  de  Dieu,  comme  mal-faicteurs:  pour  representer  nostre  personne,  il  a  voulu  comparoistre  devant  le  siege  d'un  iuge  terrien,  et  estre  condamne  par  la  bouche  d'iceluy,  pour  nous  absoudre  au  Throne  du  Iuge  celeste.  LE  MINISTRE.  Neantmoins  Pilate  le  prononce  innocent  (Matth.  27,  23;  Luc  23,  14):  et  ainsi  il  ne  le  condamne  pas  comme  s'il  en  estoit  digne.  L'ENFANT.  Il  y  a  l'un  et  l'autre.  C'est  qu'il  est  iustifie  par  le  tesmoignage  du  iuge,  pour  monstrer  qu'il  ne  souffre  point  pour  ses  demerites,  mais  pour  les  nostres:  et  cependant  est  condamne  solennellement  par  la  sentence  d'iceluy  mesme,  pour  denoter  qu'il  est  vrayement  nostre  pleige,  recevant  la  condamnation  pour  nous,  [fol.  12]  afin  de  nous  en  acquiter.  LE  MINISTRE.  C'est  bien  dict.  Car  s'il  estoit  pecheur,  il  ne  seroit  pas  capable  de  souffrir  la  mort  pour  les  autres:  et  neantmoins,  afin  que  sa  condamnation  nous  soit  delivrance,  il  faut  qu'il  soit  repute  entre  les  iniques  (Ies.  53,  12).  II'ENFAH*.  Ie  I'enten≫  ainsi.  LE  MINISTRE.2)  Ce  qu'il  a  este  crucifie,  emporte-il  quelque  chose,  plustost  que  si  on  Feust  autrement  faict  mourir?  L'ENFANT.  Ouy,  comme  l'Apostre  le  remonstre  (Gal.  3,  10),  disant  qu'il  a  este  pendu  au  bois  pour  transporter  nostre  malediction  sur  soymesme,  pour  nous  en  descharger.  Car  ce  genre  de  mort  estoit  maudict  de  DIEU  (Deut.  21,  23).  LE  MINISTRE.  Comment?  n'est-ce  pas  deshonnorer  le  Seigneur  Iesus,  de  dire,  qu'il  a  e?te  subiect  a  malediction,  mesme  devant  Dieu?  L'ENFANT.  Nenny.  Car  en  la  recevant,  il  l'a  anneantie