58:27  27  PREMIER  SERMON  28  constance  si  ferme  par  l'espace  de  vingt  ans?  Il  n'est  point  defailli,  combien  qu'il  lui  semblast  que  Dieu  se  fust  mo$ue  de  lui:  c'est  d'autant  qu'il  a  este  patient,  et  qu'il  a  cogneu  qu'il  ne  faloit  point  sommer  Dieu  a  l'heure  presente,  pour  lui  faire  tenir  sa  promesse:  mais  qu'il  se  faloit  assuietir  a  lui,  et  qu'il  lui  faloit  faire  cest  honneur  de  cognoistre  que  ses  oeuvres  sont  incomprehensibles,  et  qu'il  sait  les  temps  et  les  saisons  opportunes  pour  faire  ce  qu'il  a  prononce:  bref,  que  ce  n'est  pas  a  nous  de  lui  vouloir  imposer  loy:  mais  qu'il  faut  que  nous  facions  silence,  et  que  nous  ne  murmurions  pas,  si  les  choses  ne  nous  vienent  a  nostre  appetit  et  souhait:  mais  que  nous  attendions  qu'il  ait  accompli  ses  oeuvres,  encore  que  nous  voions  toutes  choses  contraires  :  toutes  fois  qu'il  faut  que  nostre  foy  soit  victorieuse  contre  tout  le  monde,  ainsi  que  saint  Iean  en  parle  en  sa  Canonique  (1.  Iean  5,  4).  Or  d'autant  que  tout  cela  ne  nous  est  rien,  et  qu'il  nous  passe  devant  les  yeux  :  et  quand  nous  lisons  ceste  histoire,  c'est  si  froidement  que  nous  n'en  recueillons  point  le  fruit.  Voila  aussi  pourquoy  Dieu  nous  punit  de  nostre  ingratitude  :  que  nous  sommes  si  delicats,  que  si  tost  qu'il  vient  j  non  pas  un  orage,  ou  quelque  grand  tourbillon,  mais  un  petit  vent,  nous  voila  esbranlez,  et  en  la  fin  nous  decheons.  D'autant  plus  donc  nous  faut-il  bien  noter  ce  qui  est  ici  dit:  c'est  assavoir  qu'Isaac  a  tousiours  persevere  a  se  fier  en  Dieu:  combien  que  par  l'espace  de  vingt  ans,  il  semblast  qu'il  ne  deust  point  avoir  lignee.  Or  qu'il  ait  persevere,  il  appert  par  ce  que  dit  Moise,  Car  il  a  prie  Dieu:  et  a  este  exauce,  tellement  que  sa  femme  a  conceu.  Quand  il  est  dit  qu'il  a  prie  Dieu,  ne  pensons  pas  qu'il  ait  attendu  iusques  au  bout  du  terme  :  mais  voiant  que  sa  femme  estoit  sterile,  il  a  eu  son  recours  a  Dieu,  qui  estoit  le  seul  remede.  Que  semble-il?  Qu'il  ait  perdu  son  temps,  et  qu'il  ait  iette  en  l'air  ses  requestes,  et  qu'elles  ne  soient  point  parvenues  a  Dieu.  On  le  diroit.  Car  s'il  eust  esto  exauce:  ne  faloit-il  pas  que  Dieu  declarast  par  experience  ce  qu'il  lui  avoit  promis  ?  Il  ne  void  rien  de  tout  cela.  Quand  donc  Isaac  a  prie  un  an,  et  deux  ans:  c'est  tousiours  tout  un,  comme  s'il  eust  parle  a  un  rocher,  ou  a  une  muraille:  Dieu  fait  la  du  sourd,  c'est  a  dire,  il  ne  monstre  point  qu'il  ait  l'aureille  prochaine,  pour  recevoir  les  requestes  d'Isaac.  Cela  continue.  Or  quand  ce  vient  au  bout  de  dix  ou  de  douze  ans,  que  diroit-on,  sinon  qu'il  vaudroit  mieux  se  deporter  :  car  c'est  une  tentation  par  trop  rude  et  trop  grande,  que  Dieu  ne  face  rien  au  bout  de  quinze  ans,  de  ce  qu'il  avoit  promis.  Or  combien  qu'il  differe  iusques  a  vingt  ans,  toutesfois  Isaac  ne  cesse  point  de  prier,  il  continue  tousiours: