54:27  27  SERMON  II  28  nous  ne  pourrons  faillir:  et  combien  que  le  monde  nous  condamne,  si  nous  sommes  asseurez  d'estre  approuvez  la  haut,  cela  nous  doit  bien  suffire.  Voila  donc  quant  a  ce  mot  ou  sainct  Paul  parle  de  ses  ancestres.  Or  il  met  puis  apres,  Qu'il  rend  graces  a  Dieu  de  la  foy  non  feinte  qui  estoit  en  Timothee,  laquelle  avoit  habite  auparavant  en  sa  mere-grand  Loide,  et  en  sa  mere  Eunice,  et  qu'il  est  persuade  qu'elle  habite  aussi  en  luy.  Quand  sainct  Paul  parle  de  la  foy  non  feinte,  c'est  encores  pour  confermer  le  propos  qu'il  avoit  tenu  de  la  pure  conscience,  comme  aussi  il  avoit  ainsi  intitule  la  foy  en  la  premiere  Epistre.  C'est  une  doctrine  que  nous  devons  bien  noter.  Car  si  ayans  a  faire  avec  nos  prochains  nous  devons  cheminer  en  rondeur,  l'hypocrisie  sera  tousiours  detestable  a  Dieu.  Que  sera-ce  quand  nous  venons  devant  luy?  Si  nous  taschons  de  tromper  un  homme  mortel,  Dieu  ne  peut  souffrir  cela.  Or  quand  nous  le  voudrons  tromper,  et  nous  moquer  de  luy,  et  nous  en  iouer  comme  d'un  petit  enfant,  ou  est-ce  aller,  ie  vous  prie?  N'est-ce  pas  se  moquer  par  trop  de  sa  maieste?  Ainsi  donc  ce  n'est  point  sans  cause  que  ce  titre  est  attribue  a  la  foy,  qu'elle  est  sans  hypocrisie  et  sans  fiction.  Voulonsnous  donc  estre  fideles?  Que  nous  soyons  despouillez  en  premier  lieu  de  toutes  nos  fictions  desquelles  nous  sommes  enveloppez  tant  et  plus.  Nous  voyons  qu'elle  est  nostre  nature:  que  l'homme  se  nourrisse  tel  qu'il  est,  il  sera  tousiours  enveloppe  en  mille  subterfuges,  qu'il  se  trompera  soy-mesme,  il  se  fera  a  croire  merveilles  de  soy,  et  cependant  il  sera  tout  abbruti:  car  nos  vices  nous  sont  cachez,  et  mesmes  nous  leur  fermons  volontiers  les  yeux,  ne  cherchans  qu'a  nous  flatter.  Ainsi  donc  pour  estre  vrayement  fideles,  commencons  par  ce  bout,  c'est  ascavoir  de  nous  despouiller  de  toutes  nos  fantasies  charnelles,  et  de  toutes  nos  feintises  esquelles  nous  sommes  par  trop  enclins  et  addonnez.  Et  par  cela  nous  voyons  que  ce  n'est  point  une  chose  vulgaire  que  la  foy.  Il  est  vray  qu'un  chacun  s'en  vante:  mais  nous  sentirons  finalement  qu'elle  est  precieuse  devant  Dieu,  et  qu'il  ne  faut  point  usurper  un  tel  nom  ainsi  a  l'aventure  comme  on  fait.  Chacun  dira,  Ie  suis  fidele:  et  voudra  estre  repute  tel.  Mais  quoy?  Cependant  tous  sont  pleins  d'hypocri8ie,  tous  se  iouent  avec  Dieu.  Combien  donc  que  le  monde  face  bon  marche  de  la  foy,  si  est-ce  que  nous  voyons  que  c'est  une  chose  bien  difficile  d'estre  repute  fidele,  d'autant  qu'il  est  requis  que  nous  soyons  purgez  de  tous  nos  mensonges,  de  tous  nos  subterfuges,  que  nous  ayons  apprins  de  nous  desplaire  en  nos  vices,  et  de  les  sonder  en  telle  sorte  que  nous  ne  soyons  plus  doubles  devant  Dieu,  ��t  qu'en  nous  condamnant  nous  ne  demandions  sinon  de  nous  conformer  du  tout  a  luy.  Voila  donc