53:27  27  SERMON  III  28  de  sa  Parole,  qu'elle  soit  glorifiee  en  ce  que  nous  cognoistrons  que  la  gist  nostre  vie  et  nostre  salut.  Ce  n'est  point  sans  cause  que  sainct  Paul  oppose  a  ceste  edification  ici  une  infinite  de  troubles:  car  il  dit,  Genealogies  qui  n'ont  point  de  fin.  Nous  avons  desia  distingue  entre  ce  qui  se  peut  dire  des  genealogies,  c'est  a  dire  lignees,  avec  profit  et  instruction,  et  avec  ce  qui  est  frivole.  Quand  donc  sainct  Paul  parle  des  genealogies  qui  n'ont  point  de  fin,  il  entend  que  si  on  s'arreste  la,  et  qu'on  en  face  le  principal,  que  c'est  chercher  l'ombre  et  laisser  le  corps.  Au  reste,  cependant  il  monstre  que  si  les  hommes  laschent  une  fois  la  bride  a  leurs  curiositez,  que  ils  ne  feront  que  chercher  des  questions  et  des  speculations  vaines  et  frivoles.  T  a-il  fin  a  l'esprit  humain  quand  il  se  laisse  gouverner  selon  sa  vanite?  quels  discours  faisons-nous?  Quand  un  homme  resve  en  soy,  et  qu'il  bastit  des  chasteaux  en  Espagne,  comme  on  dit,  ie  vous  prie,  ou  est-ce  que  son  esprit  se  pourmeine,  c'est  a  dire,  son  cerveau?  ne  le  fait-il  point  courir  et  trotter  ca  et  la?  Ainsi  en  est-il  toutesfois  et  quantes  que  les  hommes  veulent  estre  sages  a  leur  fantasie,  qu'ils  entrent  en  des  abysmes  si  grans  que  c'est  horreur.  Brief,  l'esprit  humain  est  comme  un  gouffre  insatiable:  et  quand  nous  entrons  la,  nous  sommes  tellement  entortillez  qu'il  n'y  a  nulle  issue.  Et  pourtant  voulons-nous  avoir  une  bonne  subtilite?  que  nous  soyons  enseignez  de  Dieu,  et  ne  nous  addonnons  point  a  nos  imaginations,  c'est  a  dire  ne  nous  addonnons  point  a  ce  que  nous  pouvons  controuver  selon  nostre  sens  charnel.  Gar  Dieu  cognoist  bien  ce  qui  nous  est  bon  et  propre,  et  il  nous  l'a  declare:  tenons  nous  donc  la.  Or  sainct  Paul  ne  se  contente  pas  de  condamner  les  fables  dont  il  a  parle  comme  vaines  et  inutiles,  item  comme  des  labyrinthes  dont  on  ne  peut  sortir:  mais  il  monstre  qu'elles  emportent  encores  un  autre  mal,  c'est  a  dire  combats,  disputes  et  contentions.  Au  contraire,  il  faut  que  nous  soyons  paisibles  pour  estre  vrais