52:27  27  EPIST.  PAULI  AD  PHILIPPENSES  28  In  similitudine  hominum,  yevojievoc  hic  perinde  valet  ac  constitutus.  Paulus  enim  significat  redactam  fuisse  in  hominum  ordinem,  ut  specie  ipsa  nihil  a  communi  hominum  sorte  differet.  Marcionitae  hoc  testimonio  ahusi  sunt  ad  probandum  suum  phantasma  quod  somniabant:  sed  nullo  negotio  refelli  possunt,  quia  hic  Paulus  nihil  aliud  disputat,  nisi  qualiter  se  gesserit  Christus,  aut  qua  conditione  versatus  sit  in  mundo.  Qui  vere  erit  homo,  tamen  aliis  dissimilis  censebitur,  si  ita  se  gerat  quasi  exemptus  esset  ab  aliorum  lege.  Hoc  in  Christo  fuisse  Paulus  negat,  sed  ita  vixisse,  ut  quivis  ex  hominum  numero  appareret.  Et  tamen  longe  aliud  erat  quam  homo,  etiamsi  vere  esset  homo.  Nimis  ergo  pueriliter  Marcionitae,  qui  ex  simili  conditione  ducebant  argumentum  ad  negandam  naturae  veritatem.  Repertus  hic  significat  cognitum,  vel  conspectum.  Nam  de  aestimatione  tractat,  ut  dictum  est.  Hoc  est,  sicuti  prius  asseruit  reipsa  fuisse  Deum  patri  aequalem,  ita  hic  commemorat  tanquam  abiectum  et  communis  sortis  habitum  fuisse.  Semper  autem  repetendum  est  quod  nuper  dixit,  voluntariam  fuisse  eiusmodi  submissionem.  8.  Factus  est  obediens.  Iam  haec  ingens  erat  humilitas,  se  ex  domino  fecisse  servum:  sed  ulterius  progressum  fuisse  dicit,  quod  quum  non  modo  immortalis  esset,  sed  vitae  mortisque  dominus:  tamen  patri  obsequutus  fuerit  usque  ad  mortem  obeundam.  Fuit  ista  extrema  deiectio:  praesertim  ubi  consideratur  genus  mortis,  quod  mox  subiungit  exaggerandi  causa.  Nam  ita  moriendo  non  tantum  ignominiosus  fuit  coram  hominibus,  sed  etiam  coram  Deo  maledictio.  Tale  certe  est  humilitatis  exemplum,  ut  omnium  hominum  mentes  absorbere  debeat:  tantum  abest  ut  pro  dignitate  verbis  possit  explicari.  9.  Propterea  superexaltavit.  Addita  consolatione,  summopere  expetendam  docet  abiectionem,  quam  humanum  ingenium  refugit  P^emo  quidem  non  fatebitur  iustum  a  nobis  postulari,  quum  iubemur  imitari  Christum.  Sed  haec  ratio  nos  movet  ut  eum  libentius  imitemur,  quum  audimus  nihil  esse  nobis  melius  quam  formari  ad  eius  imaginem.  Quod  autem  beati  sint  quicumque  sponte  humiliantur  cum  Christo,  probat  eius  exemplo.  Nam  a  despectissima  sorte  evectus  fuit  in  summam  altitudinem.  Quicumque  ergo  se  humiliat,  similiter  exaltabitur.  Quis  nunc  submissionem  recuset,  qua  in  gloriam  regni  coelestis  conscenditur?  Hic  locus  occasionem  dedit  sophistis,  vel  ipsi  potius  eam  arripuerunt,  ut  dicerent  Christum  primo  sibi  meritum  esse,  deinde  aliis.  Primum  etiamsi  nihil  falsi  dicerent,  tamen  fugiendae  sunt  profanae  istae  cogitationes  quae  Christi  gratiam  obfuscant:  dum  imaginamur  alia  quam  salutis  nostrae  causa  venisse.  Quis  non  videat  hoc  a  Satana  suggeri,  Christum