51:27  27  SERMONS  28  il  est  vray  qu'il  faut  tendre  a  ceste  perfection  et  y  aspirer  tousiours.  Mais  quoy  qu'il  en  soit,  ne  laissons  pas  de  cercher  Dieu,  combien  que  nous  ne  puissions  pas  parvenir  a  luy,  et  qu'il  y  ait  beaucoup  d'em  pesche  mens,  et  que  quelquefois  nous  facions  des  faux  pas,  et  que  les  cupiditez  meschante*  nous  retiennent  et  nous  empeschent,  et  nous  solicitent,  et  (comme  i'ay  dit)  que  nous  ne  soyons  point  desbauchez  pourtant,  encores  que  quelquefois  nous  soyons  en  branle.  Combien  donc  que  de  nature  nous  ne  puissions  pas  marcher  franchement  pour  parvenir  a  nostre  Dieu,  c'est  assez  que  nous  ne  parfacions  point  les  cupiditez  de  nostre  chair,  encores  que  nous  les  sentions,  encores  qu'elles  ayent  par  trop  de  vigueur  en  nous,  quand  nous  les  >  surmontons  Dieu  les  accepte  et  nous  pardonne  tout  ce  deffaut  la.  Comme  aussi  sainct  Paul  exhortant  les  fideles,  a  fin  de  ne  se  point  precipiter  outre  mesure,  dit,  Que  la  chair  ne  domine  point  en  vous.  Il  ne  dit  point  que  les  meschans  appetis,  les  cupiditez  vicieuses,  n'y  habitent  plus.  Car  quand  en  serons-nous  despouillez,  sinon,  quand  il  plaira  a  Dieu  de  nous  retirer  a  soy?  Iusques  a  tant  donc  que  nous  soyons  sortis  du  monde,  il  y  aura  tousiours  (ies  taches  et  des  macules  en  nous,  et  faudra  que  nous  soyons  comme  courbez  sous  le  fardeau  de  nos  vices  et  infirmitez,  et  c'est  a  fin  de  nous  humilier  tant  plus,  et  pour  monstrer  que  nostre  vie  est  un  combat  perpetuel.  Au  reste,  combien  que  le  peche  habite  en  nous,  il  ne  faut  point  qu'il  y  domine:  mais  que  l'Esprit  de  Dieu  gagne  pardessus:  et  que  cela  se  fera  quand  nous  recourrons  avec  un  zele  ardent  a  Dieu,  le  priant  qu'il  remedie  au  mal  que  nous  ne  pouvons  pas  corriger:  et  qu'il  nous  augmente  tellement  les  dons  de  son  Esprit,  que  nous  surmontions  tout  ce  qui  nous  tient  comme  accablez.  Voila  en  somme  ce  que  S.  Paul  a  entendu  en  ce  passage  en  ceste  sentence,  mais  il  adiouste  quant  et  quant,  que  V  Esprit  convoite  contre  la  chair  ^  et  la  chair  contre  IZEsprit,  en  sorte  que  nous  ne  ferons  pas  ce  que  nous  voudrions  bien.  Or  ici  il  pretend  de  nous  inciter  a  bon  guet,  et  mesmes  d'avoir  tousiours  le  harnois  sur  les  espaules  (comme  on  dit)  et  d'estre  prests  contre  l'ennemi.  Si  noue  estions  purs  de  tous  vices,  et  que  sans  contredit  chacun  suivist  ce  que  Dieu  commande  par  sa  parole,  il  ne  faudroit  pas  faire  grand  effort:  comme  les  Anges  de  paradis  n'ont  point  a  batailler,  car  ils  ont  ceste  promptitude  de  faire  tout  ce  qui  leur  est  commande.  D'autant  donc  qu'il  n'y  a  nulle  rebellion  aux  Anges,  voila  pourquoy  il  n'y  a  aussi  nul  combat,  quand  il  est  question  de  s'addonner  au  service  de  Dieu,  car  ils  y  tendent  du  tout  et  y  sont  enclins��  Or  sainct  Paul  nous  monstre  qu'il  ne  faut  point  que  nous  soyons  lasches,  quand  il