46:27  27  HARMONIE  EVANGELIQUE.  28  impossible  que  nous  apprehendons  quelle  est  la  gloire  de  Dieu,  que  nous  ne  soyons  troublez  en  nous-mesmes.  Car  qu'est-ce  que  de  nous,  et  de  nostre  vie?  Premierement  nous  ne  sommes  qu'un  ombrage,  comme  l'Escriture  nous  appelle:  nous  sommes  terre  et  cendre.  Et  quelle  convenance  donc  y  a-il  entre  celuy,  devant  la  face  duquel  les  montagnes  descoulent  comme  neige?  qui  peut  reduire  a  neant  toutes  choses  par  un  seul  regard?  et  nous  qui  ne  sommes  que  vanite?  Ainsi  donc,  quand  l'Escriture  nous  monstre  que  les  saincts  ont  este  effrayez  a  la  presence  de  Dieu,  notons  la  fin  pourquoy.  C'est  a,  ce  qu'ils  fussent  tant  mieux  asseurez  que  les  visions  qu'ils  recevoyent,  estoyent  de  Dieu.  Ce  qui  ne  peut  estre,  sinon  qu'il  leur  feist  apprehender  quelle  estoit  sa  gloire  celeste.  Or  par  consequent  il  a  falu  qu'ils  conceussent  une  crainte  et  frayeur:  voire,  pource  que  la  foiblesse  qui  est  en  nous,  ne  peut  gouster  que  c'est  de  Dieu,  sinon  que  nous  soyons  espouvantez  quant  et  quant.  Et  de  faict,  voyla  nostre  pere  Abraham  qui  nous  en  a  monstre  l'exemple.  Car  quand  il  cognoist  que  ce  sont  Anges  de  Dieu  qui  sont  venus  en  son  logis,  et  qu'il  faut  qu'il  parle:  Helas,  qui  suis-ie,  dit-il?  Oseray-ie  bien  ouvrir  la  bouche  pour  adresser  mon  propos  a  mon  Dieu,  veu  que  ie  ne  suis  que  terre  et  pourriture?  Ainsi  nous  voyons  que  ceste  crainte-la  a  este  tousiours  profitable  aux  saincts  peres.  Comme  auiourd'huy,  combien  que  nous  n'ayons  pas  telles  visions,  si  est-ce  toutesfois  qu'il  nous  faut  cognoistre  la  presence  de  Dieu  en  sa  parole,  quand  il  nous  rend  tesmoignage  de  sa  volonte.  Si  nous  scavons  que  c'est  Dieu  qui  parle,  il  faut  que  nous  tremblions,  comme  dit  le  Prophete  Isaie.  Autrement  la  parole  qui  nous  est  preschee,  nous  sera  en  mespris,  ou  bien  nous  l'orrons  tant  froidement,  que  tout  ce  qui  nous  sera  monstre  sera  tantost  escoule,  et  comme  esvanouy.  Ainsi  donc  il  faut  que  nous  soyons  touchez  de  crainte,  pour  recevoir  ce  qui  nous  est  annonce  au  nom  de  Dieu,  et  que  nous  soyons  persuadez  que  c'est  sa  verite  infallible.  Or  il  y  a  le  second,  c'est  que  si  Dieu  ne  se  monstre  tel,  iamais  nous  ne  viendrons  a  luy  en  droite  humilite.  Car  nous  sommes  enflez  de  folle  presomption:  chacun  cuidera  estre  sage  et  iuste,  et  ne  pouvons  pas  nous  despouiller  de  ceste  arrogance,  qui  est  tant  enracinee  en  nous  de  nature.  Il  faut  donc  que  Dieu  la  corrige  comme  par  un  remede  violent.  Et  ainsi  quand  il  se  monstre,  il  nous  fait  saisir  de  frayeur.  Et  pourquoy?  Afin  que  nous  luy  donnions  la  louange  qu'il  merite,  que  nous  luy  portions  la  reverence  que  nous  luy  devons,  tellement  que  nous  soyons  aneantis  du  tout  en  nous-mesmes.  Car  cependant  que  nous  cuidons  estre  ou  valoir  quelque  chose  en  nous,  il  est  certain  que  la  gloire  de  Dieu