43:27  27  IN  AMOS  28  vestes  ipsas  etiam:  deinde  accumbant  prope  altaria.  Hoc  ad  omnes  divites  extenditur.  Iam  sequitur  alterum  membrum,  quod  proprie  ad  iudices  ipsos  et  gubernatores  restringi  debet,  quod  scilicet  biberent  vinum  damnatorum  in  domo  Dei  sui,  vel  in  templo.  Quanquam  posset  etiam  hoc  intelligi  de  ipsis  divitibus,  qui  solent  luxuriari  ex  praeda  male  parta.  Nam  litigant  sine  ratione.  Si  obtineant  in  iudicio,  putant  sibi  licere  maiores  instituere  lautitias.  Ergo  hoc  prophetae  dictum  posset  etiam  ad  quoslibet  divites  extendi.  Sed  videtur  proprie  hic  damnare  saevitiam  et  rapacitatem  in  ipsis  iudicibus.  Nunc  videmus  quorsum  spectet  prophetae  consilium:  dicit  eos  accumbere  super  vestes  oppignoratas,  deinde  bibere  vinum  ex  mulcta,  quae  inflicta  erat  damnatis.  Sed  circumstantia  quae  additur  notanda  est,  quod  scilicet  accubuerint  prope  altaria,  et  biberint  in  ipso  templo.  Propheta  enim  hic  subsannat  crassam  superstitionem  in  Israelitis  quod  putabant  se  defunctos  esse  erga  Deum,  modo  accederent  in  templum,  et  victimas  suas  ad  altare  offerrent.  Sic  enim  solent  hypocritae  placare  Deum,  quemadmodum  si  quis  ludat  crepundiis  cum  puero.  Fuit  hoc  vitium  nimis  commune  omnibus  saeculis,  et  hic  coarguitur  a  propheta  in  Israelitis,  quod  scilicet  auderent  fronte  aperta  prodire  in  templum,  et  illuc  etiam  afferre  vestes  oppignoratas,  epulari  ex  praeda.  Nam  hypocritae  semper  ex  templo  Dei  faciunt  cavernam  latronum.  Putant  enim  sibi  omnia  permitti,  modo  simulaverint  externo  cultu  se  esse  Deo  addictos.  Quoniam  ergo  captatur  impunitas  et  licentia  peccandi  ex  caeremoniis,  ideo  propheta  hic  acerbe  invehitur  in  Israelitas,  quod  audeant  testem  et  conscium  facere  Deum  suae  crudelitatis,  dum  afferunt  vestes  oppignoratas,  dum  miscent  suas  praedas  cum  sacrificiis,  ac  si  qua  esset  Deo  societas  cum  praedonibus.  Videmus  ergo  non  simpliciter  hic  damnari  rapacitatem  et  avaritiam  a  propheta,  sed  perstringi  simul  crassam  illam  superstitionem,  quod  scilicet  Israelitae  putabant  sibi  impune  cessurum,  quum  raperent  undecunque,  et  spoliarent  pauperes,  modo  partem  aliquam  praedae  erogarent  Deo,  ac  si  non  abominabile  esset  sacrificium  ex  rapinis.  Sed  quaeritur  hic  cur  propheta  Israelitas  damnet,  quibus  nullum  erat  sacrum  templum.  Scimus  enim  (et  alibi  etiam  dictum  fuit)  templa,  in  quibus  putabant  se  Deum  colere,  fuisse  foeda  lupanaria,  et  plena  foetoris.  Quomodo  igitur  nunc  propheta  tam  aspere  in  eos  invehitur,  quod  permisceant  suas  praedas  cum  illis  impuris  sacrificiis?  Responsio  facilis  est.  Respicit  enim  ad  eorum  affectum,  et  deridet  crassitiem  illam,  quod  tam  pueriliter  ludant  cum  Deo,  quem  sibi  finxerant,  quemadmodum  si  hodie  dicamus  papistis  eos  sacris  miscere  profana,  quum  suas  missas  ita  prostituunt,  deinde  quum  in  suis  caeremoniis  ita  ludunt  cum  Deo.  Certum  est  quidquid