42:27  27  SERMON  XXXVI.  28  pieds.  Ainsi  donc  il  nous  faut  tousiours  noter  cette  fin  pourquoy  l'ange  ha  declare  ces  choses  ici  a  Daniel.  Or  il  y  ha  ici  une  sentence  qui  est  notable  entre  1es  autres,  c'est  a  scavoir,  que-les  fils  des  dissipateurs  du  peuple  s'esleveront,  pour  accomplir  la  vision  et  prophetie,  comme  s'il  disoit:  entre  ces  troubles  ici,  que  le  roy  de  Syrie  et  d'Egypte  se  heurteront  l'un  contre  l'autre,  ii  y  aura  une  secte  au  peuple,  laquelle  sera  plus  pernicieuse  beaucoup,  que  toutes  ces  guerres  des  princes  payens  et  incredules.  Or  cela  se  feist  par  Onias  le  ieune,  qui  estoit  fils  d'Onias  l'ancien  sacrificateur,  il  y  avoit  alors  des  troubles  et  divisions  entre  les  sacrificateurs,  a  cause  que  Iason  vouloit  occuper  la  sacrificature,  et  machinoit  quelque  trahison  a  l'encontre  d'Onias  l'ancien,  et  de  toute  sa  maison,  a  fin  de  parvenir  a  cette  dignite  de  la  souveraine  sacrificature  :  or  Onias  l'ancien  sacrificateur  resistoit  comme  il  devoit,  a  toutes  ces  traficques  meschantes,  et  ne  laisse  point  d'exercer  son  office,  sachant  que  Dieu  l'avoit  appele  et  ordonne  en  ce  lieu  la.  Or  Onias  le  ieune  ne  se  fiant  point  en  Dieu,  se  veut  garder  a  la  facon  des  hommes,  car  voiant  que  Iason  avoit  beaucoup  de  moiens  pour  l'opprimer,  il  quitte  tout:  s'il  se  fust  fie  en  Dieu,  il  eust  conneu,  voila  ma  vocation  a  laquelle  ie  m'arreste,  mais  il  s'enfuit  en  Egypte,  et  quand  il  est  la,  il  amasse  tant  de  gens  qu'il  peut,  il  retire  des  Iuifs  a  soy,  et  puis  il  va  dresser  une  sacrificature  nouvelle,  voire  sous  umbre  d'un  passage  qui  est  en  Isay  e,  et  voila  pourquoy  Daniel  dit  les  enfans  des  dissipateurs  ou  transgresseurs  de  ton  peuple  s'esleveront  pour  establir  la  vision.  Il  allegoit  donc  ce  qui  est  au  chapitre  dixneufieme  du  prophete  Isaye,  car  apres  que  le  prophete  ha  parle  de  la  desconfiture  d'Egypte,  et  de  la  desolation  qui  y  pouvoit  advenir,  il  adiouste  que  Dieu  fera  merci  encores  a  ce  pays  la  d'Egypte,  ii  est  vray  qu'il  y  aura  beaucoup  de  villes  ruinees,  mais  en  la  fin  ii  y  aura  un  autel  dresse  en  Egypte,  ou  en  sacrifiera  a  Dieu.  Cet  Onias  ici  accomplist  cette  vision  quand  il  applique  le  passage  a  ce  qu'il  vouloit  faire,  qui  est  une  rebellion  manifeste  contre  Dieu,  car  il  va  edifier  un  autel,  instituer  des  sacrifices  et  se  constitue  principal  sacrificateur:  or  il  s'arreste  a  la  vision  du  prophete  Isaye,  mais  elie  ne  faisoit  nullement  a  son  propos.  Pourquoy?  En  premier  lieu  il  anticipoit  le  temps,  et  pervertissoit  le  sens  du  prophete,  d'autant  qu'Isaye  ne  parle  point  la  que  le  service  de  Dieu  deust  estre  dresse  en  Egypte,  iusques  a  la  venue  de  nostre  Seigneur  Iesus  Christ,  que  la  paroits  devoit  estre  rompue  entre  les  Iuifs  et  les  payens,  et  que  la  grace  de  Dieu  devoit  estre  espandue  par  tout  le  monde:  voila  donc  quand  et  comment  cet  autel  devoit  estre  basti  en  Egypte,  c'est  a  dire,  qu'on  y  devoit  in-