41:27  27  PRAELECTIONES  28  pendimus  quid  impulerit  omnes  profanos  homines,  quum  strenue  pugnarunt  pro  bonis  causis,  reperiemus  ambitionem  semper  in  ipsis  praevaluisse.  Non  mirum  igitur  si  destituerit  ipsos  Deus  in  ipso  articulo,  quia  indigni  erant  qui  experirentur  eius  auxilium.  Hac  ratione  exprimit  Daniel  se  incolumem  fuisse  servatum,  quia  crediderit  Deo  suo.  Et  huc  etiam  respexit  apostolus  undecimo  ad  Hebraeos  capite  (v.  33),  ubi  dicit  quosdam  ereptos  fuisse,  vel  servatos,  ex  ore  leonum  per  fidem.  Causam  ergo  assignat  cur  Daniel  evaserit  salvus,  et  revocat  nos  ad  fidem.  Sed  hic  tenendum  est  quid  valeat  et  in  se  contineat  verbum  credendi.  Neque  enim  simpliciter  docet  propheta  se  fuisse  servatum,  quod  crediderit  Deum  Israelis  esse  verum  et  unicum  Deum,  opificem  coeli  et  terrae:  sed  quoniam  vitam  suam  ei  commiserit,  quoniam  recubuerit  in  eius  gratiam,  quoniam  certo  statuerit  sibi  non  fore  alium  quam  felicem  exitum,  si  ipsum  coleret.  Quoniam  ergo  Daniel  certo  persuasus  fuit,  vitam  suam  esse  in  manu  Dei,  et  se  non  frustra  in  ipsum  sperare,  et  periclitatus  est  fortiter  atque  intrepide  pro  sincero  Dei  cultu:  ideo  dicit,  se  credidisse  Deo.  Videmus  ergo  non  ita  frigide  sumi  credendi  verbum,  ut  somniant  papistae:  quia  hinc  etiam  commentum  illud  de  fide  implicita,  et  de  fide  mortua  vel  informi  prodiit:  quia  existimant  fidem  nihil  aliud  esse,  quam  apprehensionem  confusam  deitatis.  Ubi  ergo  concipimus  aliquem  esse  deum,  papistae  putant  esse  fidem.  Atqui  longe  aliter  nos  instituit  spiritus  sanctus.  Nam  tenendum  est  illud  apostoli  (Heb.  l  l  ,  6),  Non  rite  Deo  nos  credere,  nisi  statuamus  ipsum  esse  remuneratorem  omnibus  qui  eum  quaerunt.  Ergo  in  fide  includitur  haec  persuasio,  quod  Deus  non  frustretur  cultores  suos.  Nunc  tenendus  est  modus  quaerendi  Dei.  Quaeritur  autem  Deus  non  stulta  arrogantia,  quasi  possimus  meritis  nostris  ipsum  nobis  obligare:  sed  quaeritur  fide,  quaeritur  humilitate,  quaeritur  invocatione.  Ubi  ergo  hoc  nobis  persuasum  est,  Deum  esse  remuneratorem  omnibus  qui  ipsum  quaerunt,  et  scimus  quomodo  quaerendus  sit,  haec  est  vera  fides.  Sic  Daniel  non  dubitavit  Deum  fore  ,sibi  liberatorem,  quia  non  dubitabat  de  pietatis  doctrina,  quam  didicerat  a  puero,  et  qua  fretus  Deum  semper  invocaverat.  Haec  igitur  fuit  causa  liberationis.  Interea  certum  etiam  est,  Danielem  non  credidisse  Deo,  quasi  de  eventu  iam  esset  edoctus.  Potius  enim  vitam  suam  Deo  permisit,  quoniam  paratus  erat  ad  mortem.  Ergo  Daniel  non  potuit  hoc  agnoscere,  antequam  proiectus  esset  in  speluncam,  et  expositus  leonibus,  an  Deus  vellet  ipsum  liberare,  quemadmodum  etiam  vidimus  ante  de  eius  sociis:  Deus  si  volet  nos  eripiet:  sin  minus,  parati  sumus  eum  colere,  neque  obediemus  tuo  edicto.  Et  si  Daniel  de  eventu  fuisset  edoctus,  non  magna  laude  digna  esset  eius