40:27  27  PRAELECTIONES  28  ia  scriptura  quidquid  excellit:  montes  Dei  vocantur  excelsi,  ita  etiam  arbores  Dei.  Sed  videtur  illud  frigidum.  Ego  itaque  non  dubito  quin  visiones  Dei  appellet  propheticas,  et  ita  profitetur  se  a  Deo  missum  esse,  quod  scilicet  exuerit  quodammodo  hominem,  ubi  Deus  mandavit  ei  partes  docendi.  Et  mirum  non  est  ipsum  loqui  de  visionibus  Dei:  quia  alioqui  incredibile  fuisset,  posse  emergere  ex  Chaldaea  aliquem  prophetam.  Quaerebat  Nathanael,  an  ex  Nazareth  posset  aliquid  boni  prodire:  et  tamen  Nazareth  erat  in  terra  sancta.  Quomodo  igitur  persuasum  fuisset,  lucem  coelestis  doctrinae  fulgere  in  Chaldaea,  et  illinc  etiam  oriri  testimonium  gratiae  Dei?  exercere  etiam  Deum  illic  sua  iudicia  per  os  prophetae?  Nunquam  hoc  fuisset  creditum,  nisi  obsignata  fuisset  Dei  vocatio,  idque  raro  modo  et  singulari.  Iam  quod  addit,  illum  fuisse  quintum  annum  captivitatis  Ioachim,  vel  Iechoniae,  aut  Iechaniae,  minime  dubium  est  quin  his  verbis  oblique  perstringat  obstinationem  populi.  Nam  si  Deus  nos  duriter  percutiat  initio  quidem  tumultuabimur,  sed  paulatim  necesse  est  nos  mansuefieri.  Quum  ergo  non  fuit  domita  contumacia  populi  illius  quinque  annis,  hinc  colligitur  quantopere  fuerint  Deo  rebelles.  Neque  interea  parcit  reliquis.  Nam  qui  Hierosolymae  erant,  putabant  secum  praeclare  fuisse  actum,  quod  non  migrassent  in  exsilium  cum  suis  fratribus.  Ita  ipsos  despiciebant,  sicuti  saepius  vidimus  apud  Ieremiam.  Quum  ergo  sibi  placerent  qui  adhuc  residui  manebant  in  patria,  et  putarent  suam  sortem  esse  optimam,  propheta  hic  notavit  tempus,  quia  necesse  fuit  prosterni  illam  ferociam:  "et  quum  ita  sese  opponerent  Ieremiae  vaticiniis,  adiungi  secundum  malleum,  quo  veluti  retunderentur.  Haec  igitur  ratio  est  cur  loquatur  de  anno  quinto  captivitatis  Ioachim.  Sequitur,  3.  Fuit  sermo  Iehovae  ad  Exechielem  filium  Buzi  sacerdotem,  in  terra  Chaldaeorum,  super  fluvium  Chebar:  et  fuit  super  eum  illic  manus  Iehovae.  Non  repetit  copulam,  quae  initio  posita  fuit:  et  posset  videri  mirum,  quod  librum  incipiat  a  copula.  Nam  quum  dicit,  et  fuit,  videtur  aliquid  notari  superius.  Quum  ergo  nihil  praecesserit,  videtur  hoc  esse  absurdum.  Sed  probabile  est,  subesse  obliquam  antithesin,  vel  comparationem  inter  prophetias,  quae  diu  viguerant  Hierosolymae,  ubi  erat  propria  et  genuina  illarum  sedes,  et  inter  hanc  prophetiam,  quae  oriebatur  a  Chaldaea:  quasi  diceret,  etiam  apud  Chaldaeos.  Ergo  particula  1  tantundem  valet  atque  particula  etiam,  D3.  Sensus  ergo  est,  postquam  Deus  frustra  servos  suos  exercuit  usque  ad  fatigationem,  quum  prophetae  multi  Hierosolymae  functi  sunt  suo  officio,  nunc  quoque