39:27  27  PRAELECTIONES  28  ergo  obtrudimus  Deo  praeter  legem  ipsius,  vocatur  opus  manuum  nostrarum:  obedientia  autem  melior  quam  victimae.  Ergo  hic  praecise  Deus  omnia  hominum  commenta  damnat:  quasi  diceret,  quantumvis  sibi  homines  placeant  in  suis  superstitionibus,  esse  tamen  impias  et  detestabiles,  quia  nefas  sit  quidquam  fabricare.  Nihil  enim  residuum  nobis  fecit  Deus  lege  data,  nisi  ut  sequamur  quod  praecipit:  ubi  autem  deflectimus,  et  aliquid  addimus  de  nostro,  nihil  aliud  est  quam  sacrilegium.  Nunc  sequitur,  31.  Quia  ad  iram  meam  et  excandescentiam  meam  fuit  mihi  urbs  ista  ex  quo  die  aedificarunt  eam  ad  diem  hunc  usque,  ad  tollendum  ipsam  e  conspectu  meo.  Confirmat  quod  nunc  diximus,  Deum  scilicet,  quantumvis  severe  puniat  Iudaeos,  non  tamen  modum  excedere  in  suo  iudicio,  quia  ad  cumulum  usque  pervenerit  eorum  iniquitas.  Horribile  erat  iudicium  Dei  quum  urbs  funditus  fuit  eversa,  et  ignis  subiectus  aedibus,  templum  etiam  excisum.  Poterat  igitur  poenae  atrocitas  multos  ad  querimoniam  impellere  quasi  nimis  severus  esset  Deus:  hic  compescit  omnes  illas  exprobrationes,  ac  dicit  urbem,  ex  quo  fuit  condita,  fuisse  in  hoc  quasi  natam,  ut  ipsum  provocaret,  quemadmodum  gallice  dicimus,  Elle  a  este  faite  pour  me  despiter,  pour  me  fascher.  Quidam  vertunt,  redacta  mihi  fuit  urbs:  sed  corrumpunt  sensum,  vel  obscurant.  Posset  commodius  verti,  urbs  fuit  destinata  mihi  ad  iram  et  excandescentiam  meam.  Sed  sensus  ille  quem  adduxi  simplicior  est:  ita  voces  istae  *>%$,  et  TIDPI,  ira  mea  et  excandescentia  mea,  passive  sumi  debent,  n'1,  scilicet  urbs  Ierusalem  quodammodo  fuerit  ta  huic  amentiae,  ut  non  desineret  accendere  magis  ac  magis  contra  se  iram  et  vindictam  Dei.  In  summa,  repetit  aliis  verbis  quod  prius  dixerat,  nempe  filios  Israel  nihil  aliud  quam  suis  maleficiis  provocasse  iram  Dei.  Nihil  enim  hic  novum  dicitur,  sed  quoniam  difficile  illud  erat  persuasu,  propheta  inculcat,  urbem  Ierusalem  fuisse  ad  iram  Dei,  et  ad  excandescentiam  ex  quo  fundata  fuerat  Et  ex  fine  versus  colligere  promptum  est  hunc  esse  genuinum  sensum,  quia  dicit,  ad  diem  hunc  usque  ad  tollendum  ipsam  e  conspectu  meo:  quasi  diceret  nullum  fecisse  peccandi  finem  Iudaeos,  iam  maturum  esse  tempus  quo  ultio  sumatur  de  illo  desperato  populo,  cuius  scilicet  insanabilis  erat  impietas.  Et  perseverantiam  designat  quum  dicit,  usque  ad  hunc  diem.  Neque  enim  tantum  coeperat  populus  in  deserto  peccare,  sed  assiduo,  ut  ita  loquar,  cursu  prosequutus  fuerat  suam  impietatem,  ut  nullo  saeculo,  nullo  anno,  nullo  etiam  die  a  suis  sceleribus  destiterint.  Ergo  hic  notatur  peccandi  assiduitas.  Sequitur,