37:27  27  IN  ISAIAM  28  Probabile  tamen  est  iam  tunc  volitasse  in  populo  querimonias,  quibus  Deo  obstreperent,  ac  si  eorum  salutem  negligeret,  vel  tardior  esset  ad  opem  ferendam,  vel  etiam  clausis  oculis  praeteriret  eorum  incommoda.  Hoc  vitium  nunc  corrigitur,  quod  putabant  se  Deo  curae  non  esse:  sicuti  accidere  solet  in  rebus  adversis,  in  quibus  nos  abiectos  a  Deo,  et  praedae  expositos,  nullamque  eius  providentiam  esse  cogitamus.  {Iacob  et  Israel.)  His  nominibus  in  memoriam  revocat  foedus  Domini,  quod  tot  tamque  variis  promissionibus  confirmatum  erat:  perinde  ac  si  diceret:  Annon  cogitas  te  populum  illum  esse  quem  sibi  peculiariter  delegit  Deus?  cur  existimas  rationes  tuas  ab  eo^  negligi  qui  fallere  non  potest?  Viam  enim  pro  statu  et  rationibus  accipit:  absconditum  pro  neglecto,  vel  ignoto.  Quia  si  auxilium  suum  Deus  paulo  longius  extrahat,  non  putamus  eius  curam  ad  nos  usque  se  extendere.  Quidam  aliter  exponunt:  nempe  populum  hic  reprehendi,  quod  se  impune  peccare  existimaret:  atque  hanc  sententiam  similem  esse  volunt  cum  eiusmodi:  Dixit  impius  in  corde  suo,  Non  est  Deus,  ete.  (Psalm.  14,  1).  Sed  dubium  non  est,  quin  haec  fuerit  mens  prophetae:  An  putas,  Israel,  res  tuas  a  Domino  non  curari?  Invehitur  enim  in  diffidentiam  populi,  eumque  graviter  obiurgat,  ut  ipsum  postea  consoletur,  atque  ostendat  Dominum  perpetuo  suis  quos  tuendos  suscepit  adfuturum.  Nomen  iudicii,  quod  continuo  post  additur,  hanc  interpretationem  confirmat.  Imploratur  enim  iudicium  in  afflictione,  quum  immerito  opprimimur,  aut  iniuria  nobis  infertur.  Et  iudicium,  vel  ius  nostrum  amplecti  et  suscipere  dicitur  Deus  quum  nos  causa  cognita  tuetur  et  defendit:  praeterire  vero,  quum  negligit  atque  ab  hostibus  diripi  sinit.  Perinde  igitur  est  ac  si  diceret  immerito  facere  Iudaeos,  quod  neglectam  causam  suam  a  Deo  ac  destitutam  querantur.  Atque  ista  obiurgatione  ipsos  praeparat  ad  recipiendam  consolationem.  Nec  enim  perversis  aut  vanis  cogitationibus  occupatae  mentes  eam  percipere  possent.  Prius  ergo  impedimenta  tolli  atque  viam  sterni  consolationi  necesse  fuit.  28.  {Annon  scivisti?)  Idem  repetit  quod  ante  dixerat:  populum  familiariter  educatum  in  schola  Dei  non  esse  excusabilem  in  sua  socordia.  Severe  enim  eum  obiurgat,  quod  non  melius  in  legis  doctrina  profecerit,  aliisque  adminiculis,  quae  Deus  ad  communem  gentium  notionem  addiderat.  Ac  sciendi  verbum,  quod  generalius  est,  priore  loco  ponit:  quia  multis  miraculis  aliisque  experimentis  testatam  illis  fecerat  Deus  suam  gloriam.  Postea  descendit  ad  auditum:  quasi  diceret:  Si  nihil  tibi  profuit  factis  et  sermone  edoctum  esse  Deum  nunquam  cessare  ab  officio,  plus  quam  indocilem  te  esse  apparet.  Deum  saeculi,  aeternum  vocat.  Sic