34:27  27  SERMON  LXIV  28  l'autre,  de  manger  la  substance  d'autrui:  voila  pourquoi  Iob  notamment  declare,  qu'il  n'y  a  point  eu  de  rapines  en  ses  mains.  Autant  en  est-il  du  second  mot:  car  le  service  de  Dieu  ne  consiste  pas  seulement  en  l'exercice  de  le  prier,  mais-  pource  que  c'est  le  principal,  sous  ceste  espece  Iob  a  comprins  le  tout.  Maintenant  donc  nous  voyons  comme  nostre  vie  sera  approuvee  de  Dieu:  c'est  assavoir,  quand  elle  sera  deuement  rapportee  a  sa  Loi.  Oar  Dieu  ne  veut  point  que  les  hommes  vivent  a  leur  guise,  et  qu'ils  se  plaisent  en  ceci  ou  en  cela,  selon  qu'ils  le  trouveront  bon,  et  qu'ils  en  seront  ies  iuges  :  mais  ii  veut  avoir  toute  authorite  par  dessus  nous,  et  que  nous  soyons  gouvernez  selon  sa  parole.  Ainsi  donc  pour  ne  point  travailler  en  vain,  apprenons  de  cheminer  selon  que  Dieu  le  commande.  Voila  pour  un  Item.  Il  est  vrai  que  ceci  nous  est  monstre  souventesfois  :  mais  cependant  nous  voyons  comme  le  monde  tousiours  s'esgare,  et  que  les  hommes  se  plaisent  par  trop  en  leurs  phantasies.  Ce  n'est  point  donc  sans  cause  qu��  l'Escriture  saincte  tant  souvent  nous  ramene  la,  que  nous  vivions,  non  point  selon  que  bon  nous  semble,  mais  selon  que  Dieu  nous  a  commande.  Et  au  reste,  quand  il  est  ici  parle  du  service  de  Dieu  soubs  ce  mot  d'Oraison,  nous  devons  bien  peser'  cela:  car  la  plus  part  ne  pense  gueres  de  prier  Dieu,  et  nous  voyons  comme  le  monde  s'en  acquite  legerement.  Toutes  fois  quand  l'Escriture  parle  d'honorer  Dieu,  c'est  le  principal  article  qu'elle  nous  met  au  devant,  que  celui-la,  de  le  prier.  Et  si  ceci  eust  este  observe  comme  il  devoit,  la  facon  de  prier  eust  este  beaucoup  plus  prisee  des  hommes,  afin  de  ne  point  decliner  ne  ca  ne  la,  mais  suivre  ce  qui  nous  est  monstre  en  l'Escriture  saincte.  Mais  tout  au  contraire,  il  est  advenu  que  les  hommes  en  priant  Dieu  ont  prins  une  telle  licence,  qu'il  n'est  point  question  de  savoir  ce  qui  est  bon  et  utile  de  prier,  ni  en  quelle  sorte:  mais  chacun  y  va  a  l'estourdie,  on  ne  vient  point  deuement  a  Dieu.  Et  d'ou  vient  ceste  outrecuidance-la?  Pource  qu'il  nous  semble  que  la  priere  n'est  point  une  chose  de  si  grande  estime.  Oar  si  nous  la  tenions  pour  le  principal  article  du  service  de  Dieu,  il  est  certain  que  nous  y  procederions  avec  plus  grand  coeur  beaucoup  que  nous  ne  faisons  pas.  Et  puis  nous  voyons  qu'au  lieu  de  prier  Dieu,  on  s'est  adonne  a  prier  les  saincts  trespassez:  et  le  monde  qui  attribue  a  une  creature  ce  qui  est  propre  a  Dieu,  pense  que  cela  ne  soit  que  bon.  Quand  on  demande  aux  Papistes,  pourquoy  ils  appellent  la  Vierge  Marie,  l'Esperance  de  leur  salut,  pourquoy  ils  ont  leur  recours  a  elle,  pourquoi  ils  auront  chacun  son  sainct  pour  leur  patron:  si  on  leur  remonstre  que  cela  est  un  blaspheme  contre  Dieu,  o  il  est  bien  difficile  de  le  leur  faire  accroire.  Et