33:27  27  SERMON  I  28  masles  soyent  tuez:  et  au  desert  encores  semble-il  que  Dieu  les  ait  reiettez:  quand  ils  sont  venus  au  pays  de  Chanaan,  ils  ont  de  grands  combats  contre  leurs  ennemis,  et  mesme  le  service  de  Dieu  n'est  point  encore  la  dresse,  ni  le  tabernacle,  comme  il  seroit  requis.  Dieu  donc  n'ayant  point  encores  dresse  un  estat  d'Eglise  qui  fust  apparent,  a  voulu  qu'il  y  demeurast  tousiours  quelque  petite  semence  entre  les  Payens,  a  fin  qu'il  fust  adore,  et  que  cela  aussi  fust  pour  convaincre  ceux  qui  s'estoyent  destournez  du  droit  chemin,  comme  les  Payens:  car  il  n'a  fallu  sinon  Iob  pour  estre  iuge  de  tout  un  pays.  Noe  a  condamne  aussi  le  monde,  comme  l'Escriture  en  parle,  d'autant  qu'il  s'estoit  tousiours  maintenu  en  purete,  et  a  chemine  comme  devant  Dieu,  combien  que  chacun  l'eust  mis  en  oubly,  et  que  tous  se  fussent  esgarez  en  leurs  superstitions.  Voila  doric  Noe  qui  est  iuge  de  tout  le  monde  pour  condamner  les  incredules,  et  rebelles.  .  Autant  en  a-il  este  de  Iob,  qui  a  condamne  tous  ceux  de  ceste  region,  pource  qu'il  servoit  purement  a  Dieu,  et  les  autres  estoyent  pleins  d'idolatries,  d'infametez,  de  beaucoup  d'erreurs:  et  cela  venoit  parce  qu'ils  ne  daignoyent  pas  cognoistre  quel  estoit  le  vray  Dieu  vivant,  et  comment,  et  en  quelle  sorte  il  vouloit  estre  honore  :  tant  y  a  que  Dieu  a  tousiours  eu  ce  regard  (comme  i'ay  dit)  que  les  meschans,  et  incredules  fussent  rendus  inexcusables.  Et  pour  ceste  cause  il  a  voulu  qu'il  y  eust  tousiours  quelques  gens,  qui  suivissent  ce  qu'il  avoit  declare  aux  Peres  anciens.  Tel  a  este  Iob,  comme  l'Escriture  nous  en  parle,  et  l'histoire  presente  monstre  bien,  comme  il  a  purement  servi  a  Dieu,  et  qu'il  a  converse  entre  les  hommes  en  doute  droiture.  Il  est  dit,  Qu'il  estoit  un  homme  entier.  Or  ce  mot  en  l'Escriture  se  prend  pour  une  rondeur,  quand  ii  n'y  a  point  de  fiction,  ne  d'hypocrisie  en  l'homme,  mais  qu'il  se  monstre  tel  par  dehors  comme  il  est  au  dedans,  et  mesmes  qu'il  n'a  point  d'arriere  boutique  pour  se  destourner  de  Dieu,  mais  qu'il  desploye  son  coeur,  et  toutes  ses  pensees  et  affections,  qu'il  ne  demande  sinon  de  se  consacrer  a  Dieu,  et  s'y  dedier  du  tout.  Ce  mot  ici  a  este  rendu  Parfaict,  tant  par  les  Grecz  que  par  les  Latins  :  mais  pource  qu'on  a  mal  expose  puis  apres  le  mot  de  Perfection,  il  vaut  beaucoup  mieux  que  nous  ayons  le  mot  d'integrite.  Car  beaucoup  d'ignorans,  qui  ne  savent  pas  comment  se  prend  ceste  perfection,  ont  pense,  Voila  un  homme  qui  est  appele  parfait,  il  s'ensuit  donc  qu'il  y  peut  avoir  perfection  en  nous,  cependant  que  nous  cheminons  en  ceste  vie  presente.  Or  ils  ont  obscurci  la  grace  de  Dieu,  de  laquelle  nous  avons  tousiours  besoin:  car  ceux  qui  auront  chemine  le  plus  droitement,  encores  faut-il  qu'ils  ayent  leur  refuge  a  la  misericorde  de  Dieu:  et  si  leurs  pechez  ne  leur  sont  pardonnez,  et  que  Dieu