30:27  27  HOMILIA  XLVI.  28  ipsi  praefecit.  Sic  videmus  quum  David  animum  obfirmaret  ad  recensendum  et  lustrandum  populum  contra  expressum  mandatum  legis,  fuisse  Dei  consilium  ut  populus  puniretur.  David  tamen  ambitione  peccabat,  et  solus  istius  facti  reus  videbatur.  Et  nominatim  dicitur  Deus  cor  Davidis  impulisse.  Sane.  Sed  Deus  arcanum  suum  consilium  novit.  Ex  quibus  apparet  Deum  habere  suum  consilium  admirandum,  quod  nunquam  mutatur,  neque  variatur:  et  tamen  uti  mediis  inferioribus  quibus  suum  consilium  ad  praescriptum  finem  deducat.  Sed  quae,  obsecro,  media?  Sane  vias  obliquas,  et  temere  huc  illuc  aberrantes  sequi  videtur,  immo  fini  et  scopo  ad  quem  collimat  penitus  repugnantes.  Sed  nostro  iudicio.  Verum  hoc  ita  fieri  teneamus  ne  nimium  nobis  sapiamus,  et  potius  ad  illa  arcana  caecutiamus,  quantum  Deo  videbitur.  Caecutiamus,  inquam,  in  illis  divinis  consiliis,  sic  ne  in  ea  quae  captus  nostri  vires  superant  inquiramus.  Neque  enim  caecutiendum,  quum  voluntas  ipsius  cognoscenda  est,  ut  ad  eam  vias  nostras  dirigamus,  et  facta  omnia  nostra,  dicta  et  cogitationes  exigamus.  Quamobrem,  quum  hic  scriptura  dicit  regnum  Saulis  stabilitum  fore  in  Saulis  manu,  si  Dei  mandatis  obsequutus  fuisset,  verissimum  est.  Sed  vicissim  Deus  contumacia  Saulis  ut  media  causa  est  usus  ad  faciendam  viam  electioni  Davidis,  et  divinorum  oraculorum  impletioni.  Deus  itaque  lapsum  istum  Saulis  subordinarat  decreto  suo:  ac  proinde  tum  lapsus  Saul  exautoratus  est  et  regia  dignitate  pulsus:  et  merito  quidem.  Quis  enim  audeat  Dei  consiliis  obloqui,  et  in  Deum  sui  peccati  aliquam  culpam  coniicere,  quum  Saulem  condemnare  cogamur,  qui  propria  conscientia  convincebatur  et  confessione  propria  urgebatur?  Nae  si  Saul  ipse  delictum  confiteri  cogitur,  seque  reum  agnoscit,  os  omne  claudi  oportet,  et  omne  murmur  cessare,  ne  quis  Deo  obloquatur  et  obstrepat:  et  confiteri  regnum  illud  irrevocabile  quod  Davidi  debebatur,  non  potuisse  in  Saulis  manu  stabiliri.  Sed  mediam  causam  quae  in  sensus  nostros  incurrit  et  quae  satis  nota  est,  lapsum  Saulis,  inquam,  sciamus  fuisse  causam  adempti  Sauli  regni,  et  in  Davidem  translati.  Et  hactenus  de  istis.  Quamobrem  ex  istis  discamus  aeterna  Dei  consilia  suspicere  et  adorare,  quum  sensum  nostrorum  captum  superant:  et  ab  omni  curiosa  inquisitione  abstinentes,  Deum  sobrie  et  cum  timore  et  reverentia  veneremur  et  adoremus.  Ac  si  Deus  mediis  utatur  de  quibus  nunquam  cogitaverimus,  eum  sciamus  iustitiam  suam  et  admirabilem  bonitatem  nobis  incomprehensibilem  velle  in  illis  considerare:  et  hoc  axioma  et  principium  semper  retineamus,  Deum  arcanum  suum  habere  quod  consilium  acies  mentis  nostrae  non  potest  apprehendere.  Sane  si  nos  intra  modestiae  huius  terminos  contineamus,  longe  dissimiles