3:27  27  EPISTRE  28  de  l'Eglise  Romaine,  et  en  l'estat  de  leurs1)  Prelats.  Nous  au  contraire,  affermons  que  l'Eglise  peut  consister  sans  apparence  visible,  et  mesme  que  son  apparence  n'est  à  estimer  de  ceste  braveté2)  exterieure,  laquelle  follement  ils  ont  en  admiration:  mais  elle  a  bien  autre  marque,  c'est  assavoir  la  pure  predication  de  la  parolle  de  Dieu,  et  l'administration  des  Sacremens  bien  instituée.  Ils  ne  sont  pas  contens  si  l'Eglise  ne  se  peut  tousiours  monstrer  au  doigt.  Mais  combien  de  fois  est-il  advenu  qu'elle  a  esté  tellement  deformée  entre  le  peuple  Iudaique,  qu'il  n'y  restoit  nulle  apparence?  Quelle  forme  pensons-nous  avoir  reluy  en  l'Eglise,  lors  qu'Helie  se  complaignoit  d'avoir  esté  reservé  seul  (1  Rois  19,  11)?  Combien  de  fois  depuis  l'advenement  de  Christ  a-elle  esté  cachée  sans  forme?  Combien  souvent  a-elle  esté  tellement  opprimée  par  guerres,  par  seditions,  par  heresies,  qu'elle  ne  se  monstroit  en  nulle  partie?  Si  donc  ces  gens  icy  eussent  vescu  de  ce  temps-là,  eussent-ils  creu  qu'il  y  eut  eu3)  quelque  Eglise?  Mais  il  fut  dit  à  Helie,  qu'il  y  avoit  encore  sept  mille  hommes  de  reserve,  qui  n'avoyent  point  fleschy  le  genouil  devant  Baal.  Et  ne  nous  doit  estre  aucunement  incertain,  que  Iesus  Christ  n'ait  tousiours  regné  sur  terre  depuis  qu'il  est  monté  au  ciel:  mais  si  entre  telles  desolations  les  fideles  eussent  voulu  avoir  quelque  certaine  apparence,  n'eussent-ils  point  perdu  courage?  Et  de  fait,  sainct  Hilaire  tenoit  desia  de  son  temps  cela  pour  grand  vice,4)  qu'estans  aveuglez  par  la  folle  reverence  qu'ils  portoyent  à  la  dignité  de  leurs  Evesques,  ne  consideroyent  point  quelles  pestes  estoyent  aucunefois  cachées  dessous  telles  masques.  Car  il  parle  en  ceste  sorte:  Ie  vous  admoneste,  gardez-vous  d'Antechrist.  Vous  vous  arrestez  trop  aux  murailles,  cerchans  l'Eglise  de  Dieu  en  la  beauté  des  edifices,  pensans  que  l'union  des  fideles  soit  là  contenue.  Doutons-nous  qu'Antechrist  doive  là  avoir  son  siege?  Les  montagnes,  et  bois,  et  lacs,  et  pri-