28:27  27  SERMON  CXXVI.  28  sera.  Tu  ne  voudrois  point  qu'on  te  mist  en  danger,  mais  que  ta  vie  fust  conservee,  et  que  tu  ne  fusses  point  en  peril  par  la  faute  ou  inadvertance  d'autruy.  Advise  done  de  rendre  le  semblable  a  tes  prochains.  Au  reste  notons  que  Dieu  sous  une  partie  a  ici  comprins  le  tout.  Il  parle  des  toicts  des  maisons,  qu'on  y  face  des  barres:  mais  c'est  autant  comme  s'il  disoit:  Quand  on  bastit,  qu'on  advise  bien  de  bastir  en  sorte  qu'il  n'en  puisse  advenir  inconvenient.  Il  y  en  a  beaucoup  qui  sont  si  lourds,  qu'ils  feront  des  choses  en  leurs  maisons,  comme  si  de  propos  delibere  ils  vouloyent  la  espier,  pour  mettre  des  embusches  a  ceux  qui  y  entreront:  tellement  qu'il  faudra  qu'un  homme  sache  bien  guider  ses  pas:  et  s'il  n'est  bien  advise,  qu'il  regarde  deux  fois  a  luy,  il  sera  pour  se  rompre  le  col.  Il  y  en  a  donc  qui  sont  si  mal  advisez.  Et  Dieu  dit,  que  celuy  qui  fait  ainsi,  met  le  sang  en  sa  maison,  c'est  a  dire,  qu'il  pollue  sajnaison  de  sang  humain.  Or  donc  advisons  a  nous,  et  que  nous  cerchions  tellement  nos  commoditez,  que  nous  bastissions  sans  danger.  Et  pourquoy?  Gar  autrement  nous  serons  coulpables.  Or  nous  avons  a  recueillir  de  ce  passage,  (comme  desia  il  a  este  traitte  ci  dessus)  que  Dieu  daigne  bien  s'employer  a  conserver  nostre  vie,  et  de  provoir  a  tous  inconveniens,  afin  que  nul  ne  tombe  en  danger:  quand  donc  nous  voyons  un  tel  soin  paternel  que  Dieu  a  de  nous,  n'avons-nous  point  a  recognoistre  sa  bonte,  pour  estre  ravis  du  tout  a  icelle?  Et  ainsi,  combien  que  nostre  office  nous  soit  ici  monstre,  c'est  a  dire,  que  Dieu  nous  declaire  que  chacun  doit  provoir  a  la  vie  de  son  prochain:  cependant  si  est-ce  que  nous  avons  a  recueillir  une  belle  doctrine,  que  Dieu  descend  ici  a  nous,  et  monstre  qu'il  a  l'oeil  sur  nostre  vie,  et  qu'il  en  veut  estre  le  protecteur.  Or  quand  nous  voyons  cela,  n'avons-nous  point  un  tesmoignage  singulier  de  sa  bonte?  Voila  nos  corps  qui  ne  sont  que  charongnes,  et  toutesfois  Dieu  les  veut  maintenir:  il  les  prend  en  sa  sauvegarde,  et  fait  ici  commandement  qu'on  provoye  de  loin  a  un  tel  danger  qui  pourroit  advenir,  qu'on  s'en  garde*  Quand  nous  voyons  toutes  ces  choses-la,  ne  devonsnous  point  estre  touchez  vivement,  pour  magnifier  la  bonte  de  nostre  Dieu?  Et  au  reste,  quand  nous  aurons  cogneu  ceste  bonte-la,  quant  a  la  vie  caduque,  et  quant  a  ce  monde,  montons  un  degre  plus  haut,  et  ne  doutons  point  (comme  aussi  il  le  monstre  par  experience)  qu'il  n'ait  plus  grande  solicitude  beaucoup  de  nos  ames.  Et  la  dessus  appuyons-  nous  hardiment  sur  luy,  et  ne  doutons  point  que  nous  serons  preservez,  quand  nous  demeurerons  en  sa  protection,  et  que  nous  ne  ferons  point  des  chevaux  eschappez,  et  que  nous  viendrons  nous  cacher  sous  ses  ailes  (comme  l'Escriture  en  parle)  ne  doutans  point  qu'il  ne  face  bonne  et  seure