26:27  27  SERMON  XII.  28  ce  peuple.  Et  c'est  une  doctrine  bien  utile,  comme  nous  le  voyons,  afin  que  nous  apprenions  de  trembler  sous  les  menaces  de  Dieu,  comme  nous  devons  estre  touchez  a  ses  promesses.  Nostre  nature  sera  telle,  que  quand  Dieu  nous  promet  quelque  chose,  nous  entrons  en  doute  et  en  dispute,  que  nous  ne  pouvons  nous  arrester  la,  pour  dire:  II  en  sera  ainsi  :  nous  ne  pouvons  conclure  que  Dieu  le  vueille.  Il  est  vray  que  nous  confesserons  cela  de  bouche:  mais  que  nous  en  soyons  bien  resolus,  nenni,  sinon  que  par  son  S.  Esprit  il  ait  seelle  en  nos  coeurs  sa  verite,  qu'elle  nous  soit  bien  ratifiee.  Mais  cependant  nous  sommes  tant  enclins  a.  deffiance,  que  nous  tirerons  tousiours  a  l'opposite  de  ce  que  Dieu  veut  nous  promettre,  tant  sommes  brutaux  et  stupides.  Et  cela  se  cognoist  encores  plus,  quand  il  nous  menace.  D'autant  plus  donc  nous  faut-il  penser  a  ses  iugemens,  et  cognoistre  que  quand  il  aura  este  irrite,  que  les  menaces  qu'il  aura  prononce  de  sa  bouche,  ne  seront  point  tombees  en  terre:  mais  qu'elles  ont  eu  leur  effect  et  execution.  Voila  a  quel  propos  Moyse  recite  encores,  que  tous  ceux  qui  estoyent  par  dessus  l'aage  de  vingt  ans  au  iour  que  le  peuple  murmura,  ont  este  consumez,  voire  non  point  de  cas  d'aventure,  mais  comme  le  Seigneur  Vavoit  prononce.  Or  c'estoit  pour  plus  ample  confirmation,  a  ce  que  le  peuple  sentist  que  c'estoit  a  bon  escient  qu'ils  avoyent  este  menacez  de  Dieu.  Et  cependant  reduisons  aussi  en  memoire,  que  Dieu  ne  peut  porter  qu'on  le  despite,  et  qu'on  reiette  le  bien  qu'il  offre,  et  qu'on  laisse  passer  l'occasion  :  quand  il  ouvre  la  porte,  si  on  ne  veut  point  entrer,  que  ceste  laschete-la,  coniointe  avec  rebellion,  luy  est  insupportable.  Car  pourquoy  est-ce  que  Dieu  s'est  ainsi  provoque  a  ire,  quand  il  a  iure  que  toutes  les  charongnes  de  ce  peuple  ici  pourriroyent  au  desert,  et  qu'il  a  use  de  parolles  si  rudes,  et  si  aspres?  d'autant  que  ce  peuple  avoit  refuse  d'entrer  en  la  terre  qui  luy  estoit  promise.  Nous  voyons  donc  que  ceste  ingratitude-la  est  pour  prouvoquer  la  vengeance  de  Dieu  contre  nous  iusques  au  bout:  et  sur  tout,  quand  nous  refusons  d'accepter  le  bien  qu'il  nous  offre,  et  un  tel  refus  procede  de  malice  et  de  faussete:  ce  qui  adviendra  quasi  tousiours.  Car  qui  est  cause  que  nous  sommes  si  lasches  a  recevoir  les  biens  que  Dieu  nous  veut  faire,  sinon  nostre  incredulite,  que  nous  ne  pensons  pas  qu'il  nous  doive  estre  fidele,  mais  plustost  disputons  que  ce  sera?  Et  ainsi  notons  bien,  que  les  hommes  iamais  ne  se  priveront  des  biens  de  Dieu,  si  ce  n'est  par  leur  propre  deffiance.  Et  d'autant  plus  nous  faut-il  estudier  a  adiouster  foy  a  toutes  les  promesses  de  nostre  Dieu,  pour  recevoir  purement  et  simplement  ce  qu'il  nous  dit,  et  y  acquiescer  sans  aucune  replique.  Voila,  di-ie,  a  quoy  il  nous  faut  arrester.  Or  quant  au  temps,  il  est  vray