24:27  27  COMMENTARIUS  IN  EXODI  CAP.  II.  28  Mosen  non  fuisse  temerario  zelo  impulsum  ut  caedem  perpetraret:  sed  quia  noverat  se  divinitus  esse  genti  suae  destinatum  vindicem  ac  ministrum  salutis.  Circumspicit  tamen  an  quispiam  adsit  spectator,  nec  audet  maleficium  punire,  nisi  caede  clandestina.  Itaque  videmus  non  omni  ex  parte  fuisse  magnanimum  ut  decebat,  sed  cum  sua  timiditate  luctatum  esse.  Rursus  ex  vacillatione  colligitur  fidei  debilitas:  ne  putemus  ita  laudari  ab  apostolo  quasi  nihil  ad  perfectionem  defuerit.  Primo  igitur  tenendum  est,  Mosen  non  temere  arripuisse  gladium,  sed  armatum  fuisse  coelesti  mandato,  et  conscium  legitimae  vocationis,  recto  iudicio  has  partes  suscepisse,  quarum  habebat  Deum  autorem.  Unde  sequitur,  perperam  facturos  homines  privatos,  et  illius  exemplo  minime  iuvari,  si  vi  et  manu  compescant  iniurias.  Huc  usque  nos  Mosis  imitatores  esse  decet,  ut  praesto  simus  laborantibus  et  oppressis,  quoad  suppetet  facultas,  nec  dubitemus  improborum  odia  in  nos  provocare,  dum  eorum  audaciae  nos  opponimus:  gladium  vero  pro  eorum  defensione  exserere  permittamus  iudicibus,  qui  publico  imperio  praediti  sunt.  Si  eorum  auxilio  fraudentur  innoxii  dum  inique  laeduntur,  nostrum  est  gemere:  sicuti  neque  Mosi  ultra  progredi  licuisset,  nisi  datus  fuisset  populo  vindex  et  redemptor.  Quod  ad  metum  spectat,  in  quo  signum  dedit  pusilli  animi,  necdum  bene  comparati  ad  munus  suum  exsequendum,  discamus,  sanctorum  obsequia,  quae  vitiis  permixta  sunt,  nihilominus  interdum  per  indulgentiam  placere  Deo:  ac  proinde  quamvis  in  officio  praestando  nos  carnis  ignavia  retardet,  ne  tamen  obniti  desinamus.  Haec  enim  fiducia  non  parum  valere  debet  ad  nos  animandos,  ubi  persuasi  sumus,  cunctationi  nostrae,  modo  ne  cedamus,  paratam  esse  veniam.  13.  Ecce  duo  viri  Hebraei.  Haec  perseverentia  demonstrat  Mosen  firmo  constantique  animi  proposito  quaesiisse  reditura  ad  fratres,  ut  aulae  valediceret  ac  consulto  repudiasse  illius  splendorem,  opulentiam  ac  lautitias,  quum  tamen  minime  ignarus  esset  quantis  se  miseriis  obiiceret,  ac  quam  dura  et  aspera,  imo  et  ignominiosa  eum  maneret  conditio.  Quare  nihil  mirum  si  dicat  apostolus  (Heb.  l  l  ,  25.  26),  eum  maluisse  ultro  Christi  probra  perferendo,  affligi  una  cum  populo  Dei,  quam  temporarii  peccati  commodis  frui.  Adde  quod  tristis  aspectus  violentiae  tyrannicae  et  onerum  quibus  premebantur  fratres,  nihil  remorae  attulit  quominus  pergeret:  quia  spe  futurae  remunerationis  ad  crucis  tolerantiam  compositus,  praesentem  metum  devicit.  Caeterum  non  exsequitur,  ut  antea,  iudicis  partes:  sed  officium  praestat  quod  ab  unoque  exigit  caritatis  regula:  dum  pacificator  accedit  ad  litigantes,  et  utrumque  ad  concordiam  hortatur,  praesertim  vero  maleficum  obiurgat.  Non  fuit  hoc  Mosi  peculiare,  sed  piis  omnibus  commune  officium  est  ubi  vident  innoxios