23:27  27  COMMENTARIUS  IN  GENESIN.  28  stabat:  in  mente  lux  rectae  intelligentiae  vigebat  ac  regnabat,  huic  comes  aderat  mentis  rectitudo,  sensus  omnes  ad  moderatum  rationis  obsequium  prompti  et  formati:  in  corpore  aequabilis  quaedam  ad  illum  ordinem  proportio.  Nunc  etsi  obscura  quaedam  imaginis  illius  lineamenta  in  nobis  residua  manent:  sunt  tamen  adeo  vitiata  et  mutila,  ut  vere  dicere  liceat  esse  deleta.  Nam  praeter  deformitatem  quae  ubique  foeda  apparet,  hoc  quoque  malum  accedit,  quod  nulla  pars  est  peccati  labe  non  infecta.  In  imagine  nostra  secundum  simil.  Ego  in  particulis  3  et  J  scrupulose  non  insisto.  Quod  nonnulli  hoc  dictum  volunt  quia  duntaxat  adumbrata  fuerit  Dei  imago,  donec  ad  suam  perfectionem  veniret,  nescio  an  firmum  sit.  Res  quidem  vera  est:  sed  non  puto  Mosi  tale  quidquam  venisse  in  mentem.  Vere  et  hoc  dicitur,  Christum  esse  unicam  patris  imaginem:  sed  hunc  tamen  sensum  Mosis  verba  non  recipiunt:  In  imagine,  id  est  in  Christo.  Adde  quod  vir,  licet  alio  respectu,  dicitur  imago  Dei.  In  quo  nonnulli  Patrum  decepti  sunt,  qui  Arrianos  se  confodere  putabant  hoc  telo,  quod  solus  Christus  imago  esset.  Verum  haec  quoque  difficultas  expedienda  est,  cur  Paulus  neget  mulierem  esse  imaginem  Dei:  quum  Moses  utrumque  sexum  promiscue  hoc  titulo  honoret.  Solutio  brevis  est,  quod  illic  Paulus  nonnisi  oeconomicum  statum  attingit.  Itaque  imaginem  Dei  restringit  ad  principatum  quo  vir  excellit  supra  uxorem:  nec  certe  aliud  significat  quam  gradu  honoris  superiorem  esse.  Hic  autem  de  gloria  Dei  agitur  quae  in  natura  humana  peculiariter  refulget,  dum  mens,  voluntas,  sensusque  omnes  divinum  ordinem  repraesentant.  Et  dominetur.  Hic  partem  dignitatis  commemorat  qua  decrevit  hominem  ornare,  nempe  ut  praesit  cunctis  animantibus,  Dominum  quidem  mundi  eum  constituit,  sed  animalia  nominatim  illi  subiicit:  quae  quum  habeant  proprium  nutum,  minus  videntur  alieno  imperio  subesse.  Pluralis  tamen  numerus  indicat  non  uni  Adae  hoc  fuisse  datum,  sed  omnibus  simul  posteris.  Atque  hinc  colligimus  quorsum  creata  sint  omnia:  ne  quid  scilicet  desit  hominibus  ad  omnia  vitae  commoda  et  usus.  In  ipso  etiam  creationis  ordine  melius  perspicitur  paterna  Dei  erga  hominem  sollicitudo,  quod  priusquam  eum  formet,  mundum  illi  rebus  omnibus  necessariis,  imo  immensa  opum  affluentia  instruit.  Ita  prius  fuit  locuples  quam  nasceretur.  Quod  si  tantam  Deus  nostri  curam  habuit  antequam  essemus,  nunc  in  mundo  locatos,  alimentis  et  reliquis  vitae  subsidiis  minime  destituet.  Quod  autem  manum  saepe  veluti  clausam  tenet,  peccatis  nostris  est  imputandum.  27.  Creavit  itaque  Deus  hominem.  Quod  iterum  imaginis  Dei  fit  mentio,  non  est  repetitio  supervacua.  Est  enim  singulare  divinae  bonitatis  specimen,  quod