21:27  27  VIE  DE  CALVIN  ques  a.  ce  qu'ieeluy-mesmes  fit  un  recueil  Latin  de  certains  articles  et  argumens,  qu'aucuns  disoyent  avoir  extraits  des  livres  de  M.  Iean  Calvin,  y  adioustant  certaines  repliques:  et  fut  ce  livre  envoye  sous  main  a  Paris,  pour  y  estre  imprime.  Mais  Dieu  y  pourveut  faisant  tomber  l'original  entre  mes  mains,  tellement  que  nous-mesmes  le  fismes  imprimer  ici  avec  telles  responses  qu'il  meritoit.  Luy  apres  avoir  sceu  le  tout  ne  sceut  que  respondre  aux  Pasteurs  et  Ministres  de  Basle,  sinon  qu'il  n'estoit  autheur  desdits  articles.  Estant  peu  apres  appele  sur  la  doctrine  du  franc  arbitre  et  de  la  providence  de  Dieu,  en  pleine  dispute  a  Basle,  sa  doctrine  fut  condamnee.  Et  d'autant  que  quelques  annees  auparavant  il  avoit  este  receu  a  la  profession  de  la  langue  Grecque,  par  ceux  qui  ne  cognoissoyent  ses  erreurs,  il  luy  fut  commande  de  ne  se  mesler  de  bouche  ni  par  escrit  que  de  sa  lecture,  ce  qu'il  promit  et  observa  tresmal,  ayant  tousiours  continue  a  semer  ses  resveries  comme  il  a  peu.  Et  mesmes  de  haine  qu'il  avoit  contre  moy  (qui  pour  [page  13]  lors  estois  en  France  bien  empesche  a.  mon  grand  regret  aux  guerres  civiles)  ou  pour  le  moins  esmeu  d'une  ambition  desmesuree,  il  escrivit  un  livre  t  intitule  Conseil  a  la  France  desolee,  sans  y  mettre  son  nom  ni  le  lieu  de  l'impression,  combien  qu'il  fust  en  ville  libre.  La  il  condamne  de  rebellion  et  sedition  toutes  les  Eglises  Francoises  et  conseille  qu'un  chacun  croye  co  qu'il  voudra,  ouvrant  la  porte  par  mesme  moyen  a  toutes  heresies  et  fausses  doctrines.  Ie  ne  daignay  luy  respondre  a  ce  beau  conseil  qui  sentoit  par  trop  son  homme  bien  fort  lourd  et  ignorant  de  ce  qu'il  traittoit,  et  tresmal  experimente  en  telles  affaires.  Mais  au  lieu  de  cela  ie  respondi  a  plusieurs  poincts  desquels  il  m'avoit  taxe,  y  entremeslant  des  erreurs  fort  vileins  et  intolerables,  sous  ombre  de  defendre  ce  que  i'avois  repris  en  sa  translation  Latine.  Ceste  mienne  response  dediee  aux  Pasteurs  de  l'Eglise  de  Basle  fut  cause  qu'iceluy  Chasteillon  fut  appele  par  l'Eglise  et  puis  par  la  Seigneurie,  et  luy  fut  enioint  de  respondre  a  ce  dont  ie  le  chargeois,  et  que  ie  m'offrois  luy  prouver  par  ses  escrits:  mais  peu  de  iours  apres  la  mort  le  delivra  de  ceste  peine.  Ie  scay  bien  que  ce  long  discours  sera  trouve  mauvais  par  aucuns  [page  14]  comme  si  i'en  parlois  en  homme  passionne  et  ne  povois  mesmes  souffrir  les  morts  se  reposer  en  leur  sepulchre.  Mais  ie  puis  protester  devant  Dieu  que  iamais  ie  n'ay  hay  le  personnage  vivant,  avec  lequel  aussi  ie  n'eus  iamais  affaire  particulier  en  bien  ni  en  mal:  tant  s'en  faut  que  maintenant  ie  voulusse  hayr  et  pourchasser  les  morts  qui  sont  remis  au  iugement  du  Seigneur.  Mais  il  a  falu  que  ceci  fust  entendu  afin  que  chacun  se  garde  de  ses  livres  et  disciples  qu'il  a  laissez  apres  luy.