11:27  EPISTOLAE  212-214  satis  esse  si  fidem  corde  veram  et  inconcussam  servent  :  etiamsi  corpus  sanguine  Christi  consecratum  foris  idolis  prosternant  et  inclinent,  consortes  simul  Satanae  et  Christi,  si  fieri  posset.  Hanc  ergo  receptam  Zuikio  misi  Constantiense  qui  eam  non  sine  gratulatione  legit,  rogans  ut  sibi  per  me  liceret,  ut  Augustam  eam  epistolam  mittat  excudendam:  se  scire  quendam  qui  eam  typis  mandare  velit,  modo  autoris  nomen  (quod  ego  tuo  bono  in  versione  suppresseram)  permittatur  praefigi.  Hic  ego  pro  te  nihil  dicere  potui  vel  asserens  vel  negans:  statui  ergo  expiscari  literis  tuam  voluntatem,  eamque  a  te  receptam  Zuilcio  rescribere.  Tu  ergo,  frater,  si  consultum  reipublicae  christianae  velis,  et  succursum  multorum  conscientiis,  non  negabis  ut  praefigatur  nomen  tuum,  quum  alea  semel  iacta  sit.  Non  enim  te  eum  puto  qui  ob  declinandam  invidiam  aut  periculum,  tantum  fructum  impedire  velis.  Non  dubito  si  liber  hic  evulgetur,  multos  fore  qui  abiecto  iugo  pontificio  et  excusso  metu  in  castra  Christi  libero  spiritu  sint  advolaturi.  Tu  vale,  doctissime  vir,  et  mentem  tuam  hac  in  re  mihi  literis  significa  primo  quoque  tempore.  Tiguri,  ultima  Februarii.  M.  D.  XL.  Leo  Iudae  tuus.  *)  213.  CALVINUS  BULLINGERO.  Post  diuturnum  imo  nimis  longum  silentium  tandem  aliquando  ad  eum  rescribit  et  nihil  antiquius  habet  quam  ut  concordiam  inter  duas  ecclesias  falsa  suspicione  turbatam  quantum  in  se  est  stabiliat  Argentoratenses  collegas  a  sinceritate  commendat,  de  dogmate  ipso  mallet  coram  agere  quum  literis  vix  fieri  possit.  (Autographon  exstat  in  Bibi.  Genev.  Cod.  106,  fol.  24.  Sequitur  ibidem  exemplar  aliud  fol.  25  ab  amanuensi  exaratum,  cui  Calvinus  et  inscriptionem  et  subscriptionem  manu  propria  addidit;  apographa  recentiora,  habes  Cod.  l  l  l  ,  fol.  42,  Bernae  in  Archiv.  Epp.  VII.  340,  Turici  ap.  Simler  Vol.  47.  Anglice  edita  est  1.  1.  Tom.  I.  88,  ubi  falsissime  ad  a.  1539  refertur.)  Ornatissimo  viro  Henricho  Bullingero  Tigurinae  ecclesiae  pastori,  fratri  mihi  vere  observando.  al2*  1)  Leo  Iudae,  alias  Keller,  Gemariensis  Alsata,  sacerdotis  filius  natus  1482,  et  ipse  sacerdos  ui  oppido  S  Hippolyti  in  Alsatia,  Zwinglii  condiscipulus,  tum  successor  ad  B.  V.  Eremitarum  (Einsiedeln)  denique  collega  Turici  ad  S.  Petrum,  pluribus  scriptis  clarus,  maxime  versione  duplici  S.  S.  germanica  et  latina,  obiit  1542.  Vide  Miscell  Tig.  UL  Pestalozzi,  L,  Iudae,  Elbf.  1860.