8:269  269  PRAEDESTINATIONE.  270  cati,  iustificati,  glorificati  sunt,  non  dico  etiam  nondum  renati,  sed  etiam  nondum  nati  iam  filii  Dei  sunt,  et  omnino  perire  non  possunt.  1)  Rationem  mox  annectit:  Quia  talibus  omnia  Deus,cooperatur  in  bonum:  et  quidem  usqueadeo  prorsus  omnia,  ut  si  qui  eorum  deviant  et  exorbitant,  etiam  hoc  ipsum  eis  faciat  proficere  in  bonum:  quia  humiliores  redeunt  et  doctiores.  Quod  si  altius  conscenditur,  et  de  prima  hominis  creatione  movetur  quaestio,  eam  quoque  sic  exsequitur:2)  Saluberrime  confitemur,  quod  rectissime  credimus,  Deum  Dominumque  rerum  omnium,  qui  creavit  omnia  bona  valde,  et  mala  ex  bonis  exoritura  praescivit,  et  scivit  magis  ad  suam  omnipotentissimam  bonitatem  pertinere,  etiam  de  malis  bene  facere,  quam  mala  esse  non  sinere:  sic  ordinasse  angelorum  et  hominum  vitam,  ut  in  ea  prius  ostenderet  quid  posset  liberum  arbitrium:  deinde,  quid  posset  gratiae  suae  beneficium,  iustitiaeque  iudicium.  In  enchiridio  vero  ad  Laurentium3)  quod  residuum  [pag.  32]  dubitationis  esse  posset,  liberius  explicat:  Quum  extremo  die,  inquit,  in  iudicium  mundi  apparuerit  Christus,  tunc  in  clarissima  luce  sapientiae  videbitur,  quod  nunc  piorum  habet  fides,  antequam  manifesta  cognitione  videatur,  quam  certa,  immutabilis,  et  efficacissima  sit  voluntas  Dei:  quam  multa  possit,  et  non  velit:  nihil  autem  velit  quod  non  possit:  quamque  sit  verum,  quod  in  Psalmo  (115,  3)  canitur:  Deus  noster  in  coelo,  omnia  quae  voluit,  fecit.  Quod  utique  non  est  verum:  si  aliqua  voluit,  et  non  fecit.  Non  fit  ergo  aliquid,  nisi  omnipotens  fieri  velit,  vel  sinendo  ut  fiat,  vel  ipse  faciendo.  Nec  dubitandum  est,  Deum  facere  bene,  sinendo  fieri,  quaecunque  fiunt  male.  Non  enim  hoc  nisi  iusto  iudicio  sinit.  Quamvis  ergo  quae  mala  sunt,  in  quantum  mala  sunt,  non  sint  bona:  tamen  ut  non  solum  bona,  sed  etiam  sint  et  mala,  bonum  est.  Nam  nisi  esset  hoc  bonum,  ut  essent  et  mala,  nullo  -modo  esse  sinerentur  ab  omnipotente  bono.  Cui  procul  dubio  quam  facile  est  quod  vult  facere,  tam  facile  est,  quod  non  vult  esse,  non  sinere.  Hoc  nisi  credamus,  periclitatur  ipsum  fidei  nostrae  initium,  qua  nos  in  Deum  omnipotentem  credere  confitemur.  Tandem  clausulam  addit:4)  Haec  sunt  magna  opera  Domini,  exquisita  in  omnes  voluntates  eius:  et  tam  sapienter  exquisita,  ut  quum  angelica  et  humana  creatura  [pag.  33]  peccasset:  id  est,  non  quod  ille,  sed  quod  voluit  ipsa  fecisset,  etiam  per  eandem  creaturae  voluntatem,  qua  factum  est  quod  creator  noluit,  impleret  ipse  quod  voluit,  bene  utens  et  malis  tan-  1)  Omnia  fere  quae  hic  ex  Augustino  passim  describit  %n  gallico  strictius  et  brevius  dicta  leguntur.  2)  Lib.  de  corrept,  et  grat.  cap.  10.  3)  Cap.  95  seq.  4)  Ibid.  cap.  100.