6:269  DE  LIBERO  ARBITRIO.  honoris  non  habeat,  ut  ad  sacra  eius  oracula  conticescant?  Ut  Epicuri  breves,  mutilae,  spinosae  sententiolae  ab  eius  secta  intelligantur:  tot  ac  tam  copiosis,  certis,  luculentis  scriptis,  non  hoc  consequutus  fuerit  Deus,  ut  sciamus  quid  voluerit?  Denique  quorsum  tantus  scripturae  acervus,  si  nihil  inde  certi  percipere  licet?  At  longe  aliud  testimonium  verbo  suo  reddit  Deus  ipse.  Ne  dicas,  inquit,  in  corde  tuo,  quis  ascendet  in  coelum?  aut,  quis  descendet  in  abyssum?  aut,  quis  traiiciet  mare?  prope  est  verbum  in  ore  tuo  (Deut.  30,  12).  Cur  nos  ad  verbum  revocat,  in  quo  nihil  quam  fluctuare  et  vacillare  possumus?  At  istam  obiectionem  praevenit,  quum  testatur,  se  in  os  et  cor  1)  dedisse  :  ut  et  certa  fide  ipsum  apprehendamus,  et  cum  fiducia  confiteamur.  Et  quo  tempore  hoc  dictum  est?  Quum  sole  iustitiae  nondum  cum  pleno  suo  fulgore  exorto  lex  tantum  velut  quaedam  fidei  aurora  prodiisset.  Moyses  quoque  in  illa  solenni  contestatione:  Haec  est  via,  inquit,  ambulate  [pag  51]  in  ea  (Deut.  30,  19):  si  in  tam  exigua  portione  lucis,  et  verborum  obscuritate,  et  figurarum  umbris  involuta,  clamat  tamen  Dominus,  nullum  ignorantiae,  aut  dubitationi  praetextum  amplius  esse,  quia  certam  doctrinam  tradiderit,  quae  et  certa  cordis  fiducia  apprehendi,  et  libera  audacique  confessione  praedicari  debeat:  si  per  Moysen  contestatur,  planam  et  apertam  esse  viam:  quae  ista  est  improbitas,  in  ipsa  meridie,  sole  iustitiae  ante  oculos  conspicuo,  hoc  probrum  inurere  verbo  Domini,  ut  nihil  aliud  quam  piorum  mentes  suspensas,  perplexas  et  inquietas  relinquat?  Audiamus  alteram  quoque  Dei  contestationem  (Ies.  45,  19):  Non  in  abscondito,  inquit,  loquutus  sum;  non  in  angulo  terrae  tenebrarum;  non  dixi  semini  Iacobi  frustra,  quaeretis  me.2)  An  non  loquitur!  hodie  nobiscum  Dominus  per  scripturas?  An  non  clarius,  quam  pridem  cum  Israele?  Negat  se  frustra  docere.  Ergo  in  verbo  eius  reperiemus  procul  dubio  quod  quaerere  nos  iubet.  Quod  nisi  ita  esset,  quid  sibi  vellet  illud:  Audite  me,  et  vivet  anima  vestra  (Ies.  55,  3)?  Hic  ergo  est  tranquillus  et  salutaris  portus,  habere  receptum  ad  sancta  Dei  oracula:  a  quibus,  tanquam  a  periculoso  scopulo,  fugere  nos  docet  Pighius.  Verum  excipiet  fortassis,  Deum  non  in  nuda  scriptura,  sed  per  ecclesiae  traditionem  audiendum  esse.  Nugae:  siquidem  huic  cavillo  ansam  olim  praecidit  spiritus  sanctus.  Nam  Isaias,  ubi  populum  admonuit,  ne  quem,  praeter  unum  Deum,  sequatur,  modum  quoque  simul  addit:  Ad  legem,  in-  1)  et  os  et  cor,  1576  seqq.  2)  1543.  1552:  frustra,  quaeretis  me.  Ie  n'ai  point  dit  envain  a  la  semence  de  Iacob:  vous  me  eercherez.  Posteriores  ediUones  propius  ad  hebraicum  textum  accedentes:  frustra,  quaente  me.  Sensum  tamen  neque  hae  authenticum  attingunt.