55:269  269  CAPUT  IV.  270  sic  tamen  relinquere  et  Christo  et  spiritui  sancto  suum  honorem,  ut  nulla  pars  salutis  ad  signum  transferatur.  Certe  quum  Petrus  facta  baptismi  mentione  mox  excipit,  non  esse  depositionem  sordium  carnis,  satis  ostendit,  baptismum  aliquibus  esse  duntaxat  literalem:  ideoque  externum  signum  per  se  nihil  valere.  Sed  bonae  conscientiae.  Primum  interrogatio  hic  vice  responsionis  vel  testimonii  capitur.  Breviter  autem  vim  usumque  baptismi  definit  Petrus  quum  ad  conscientiam  revocat,  et  nominatim  fiduciam  requirit  quae  sustineat  Dei  conspectum,  et  apud  eius  tribunal  consistat.  Nam  his  verbis  docet  baptismum  praecipua  sui  parte  spiritualem  esse:  deinde  peccatorum  remissionem  et  reformationem  veteris  hominis  in  se  complecti.  Quomodo  enim  bona  et  pura  esse  conscientia  poterit,  donec  correctus  fuerit  vetus  homo  noster,  et  in  iustitiam  Dei  renovati  simus?  Et  quomodo  respondebimus  coram  Deo,  nisi  gratuita  peccatorum  venia  freti  ac  suffulti?  In  summa,  baptismi  effectum  indicare  voluit  Petrus,  ne  quis  nudo  et  emortuo  signo  glorietur,  quemadmodum  hypocritae  solent.  Sed  notandum  est  quod  dixit,  per  resurrectionem  Christi.  Quibus  verbis  docet  non  esse  in  elemento  aquae  haerendum  :  sed  a  Christo  solo  fluere,  et  ab  eo  petendum  esse  quidquid  illic  figuratur.  Porro  quum  resurrectionem  nominat,  respicit  ad  superiorem  doctrinam  quam  tradidit,  Christum  spiritu  vivificatum  esse.  Nam  resurrectio,  mortis  fuit  victoria,  et  salutis  nostrae  complementum.  Unde  colligimus,  mortem  Christi,  non  excludi,  sed  potius  contineri  sub  resurrectione.  Ergo  non  aliter  in  baptismo  proficimus,  quam  si  sensus  nostri  omnes  in  Christi  morte  ac  resurrectione  consistant.  22.  Qui  est  in  dextera.  Christi  in  coelos  adscensum  nobis  commendat,  ne  eum  oculi  nostri  in  mundo  quaerant  :  idque  fidei  maxime  interest.  Sessionem  in  dextera  patris  commendat,  ne  dubitemus  satis  in  eo  potentiae  esse  et  praesidii  ad  nos  servandos.  Porro  quid  loquutio  ista  valeat,  sedere  ad  patris  dexteram,  alibi  exposuimus:  quod  scilicet  Christus  ubique  summum  imperium,  tanquam  Dei  legatus,  exerceat.  Ad  cuius  rei  explicationem  faciunt  quae  mox  sequuntur,  subiectus  sibi  ang  e  l  i  s  ,  ete.  Quod  virtute  s  et  potestates  addit,  tantum  ad  amplificationem  spectat.  Nam  usitatum  est  angelos  his  omnibus  designari.  Magnitudinem  ergo  imperii,  quod  optinet  Christus,  hic  elogiis  ornare  Petrus  voluit.  CAPUT  iv.  1.  Christo  igitur  passo  pro  nobis  carne,  vos  quoque  eadem  cogitatione  armamini:  quod  scilicet  qui  passus