52:269  269  CAPUT  IL  270  autem  hiB  quoque  evangelii  doctrinam  communem  esse  velit  Deus,  constat  ex  testimoniis  iam  citatis  et  similibus.  Neque  enim  de  nihilo  dictum  est:  Nunc  reges  intelligite  (Psal.  2,  10).  Item  eodem  Psalmo:  Dabo  gentes  tibi  in  haereditatem,  et  in  possessionem  terminos  terrae.  In  summa,  indicare  Paulus  voluit,  non  esse  considerandum  quales  tunc  essent  principes,  sed  quales  esse  Deus  vellet.  Est  autem  officium  caritatis,  quoscunque  vocatione  sua  complectitur  Deus,  eorum  salutis  curam  studiumque  suscipere,  idque  piis  votis  testari.  Atque  buc  pertinet,  quod  Deum  vocat  nostrum  salvatorem.  Unde  enim  nobis  salus,  nisi  ex  gratuita  Dei  beneficentia?  Atqui  Deus  idem  qui  iam  nos  salutis  fecit  compotes,  ad  eos  quoque  gratiam  suam  extendere  aliquando  poterit.  Qui  iam  nos  ad  se  traxit,  poterit  illos  nobiscum  adducere.  Facturum  autem  pro  confesso  sumit:  quia  prophetarum  vaticiniis  ita  praedictum  erat  de  universis  tam  ordinibus  quam  nationibus.  5.  Unus  enim  Deus,  unus  et  mediator  Dei  et  hominum,  homo  Christus  Iesus,  6.  qui  dedit  semetipsum  pretium  redemptionis  pro  omnibus,  ut  esset  testimonium  temporibus  suis,  7.  in  quod  positus  sum  praeco  et  apostolus.  Veritatem  dico  in  Christo,  non  mentior,  doctor  gentium  in  fide  et  veritate.  5.  Unus  Deus.  Parum  valida  in  speciem  foret  haec  ratio,  Deum  ideo  velle  omnes  salvos  esse  quia  unus  est:  nisi  a  Deo  ad  homines  transitus  fieret.  Chrysostomus  et  post  eum  alii  sic  accipiunt:  non  esse  plures  deos,  sicuti  idololatrae  comminiscuntur.  Sed  aliud  fuisse  Pauli  consilium  arbitror:  ut  hic  sit  tacita  comparatio  unius  Dei  cum  toto  mundo  diversisque  nationibus,  ex  qua  nascitur  mutuus  respectus.  Quemadmodum  ad  Romanos,  capite  3,  29,  Numquid  Iudaeorum  Deus  tantum?  annon  et  gentium?  Imo  unus  Deus,  qui  iustificat  circumcisionem  ex  fide,  et  praeputium  per  fidem.  Ergo  utcunque  in  hominibus  tunc  esset  diversitas,  quia  multi  ordines  alieni  erant  a  fide,  multaeque  gentes:  ad  unitatem  Dei  fideles  revocat  Paulus,  ut  sciant  cum  omnibus  sibi  esse  coniunctionem,  quia  unus  sit  omnium  Deus:  ut  sciant  non  in  perpetuum  a  spe  salutis  exclusos  qui  sub  eiusdem  Dei  sunt  potestate.  Idem  sibi  vult  quod  de  uno  mediatore  continuo  subiicit:  nam  sicuti  unus  est  Deus  omnium  creator  et  pater,  ita  unicum  mediatorem  esse  dicit,  per  quem  accessus  nobis  ad  Deum  patet:  atque  hunc  mediatorem  non  uni  tantum  genti  vel  paucis  hominibus  certae  conditionis  esse  datum,  sed  omnibus:  nam  sacrificii,  quo  peccata  expiavit,  fructum  ad  omnes  pertinere.  Imo  quoniam  magna  pars  mundi  se  tunc  alienaverat  a  Deo,  mediatoris  diserte  meminit,  per  quem  appropinquant  qui  longe  distabant