51:269  269  SUR  L'EPITRE  AUX  EPHESIENS.  270  II  est  vray  qu'en  regardant  nos  miseres,  il  a  pitie  et  compassion  de  nous  pour  nous  secourir:  mais  cela  est  pource  que  desia  ii  nous  a  aimez  en  nostre  Seigneur  Iesus  Christ.  Il  faut  donc,  devant  que  Dieu  nous  choisisse  et  appelle,  qu'il  ait  la  son  patron  et  miroir,  auquel  il  nous  contemple  :  c'est  a  scavoir,  nostre  Seigneur  Iesus  Christ.  Ainsi  en  somme,  apres  que  sainct  Paul  a  monstre  que  nous  n'avons  peu  rien  apporter  a  Dieu:  mais  qu'il  nous  a  prevenus  par  sa  bonte  gratuite,  d'autant  qu'il  nous  a  eleus  devant  que  le  monde  fust  cree,  il  adiouste  encores  une  raison  plus  certaine:  c'est  a  scavoir,  que  c'a  este  en  Iesus  Christ,  qui  est  comme  le  vray  registre.  Car  quand  il  plaist  a  Dieu  de  nous  elire,  c'est  a  dire,  quand  il  luy  a  pleu  de  toute  eternite,  alors  il  nous  a  comme  escrits.  Et  l'Escriture  saincte  appelle  aussi  l'election  de  Dieu  le  livre  de  vie.  Comme  i'ay  desia  dit  que  Iesus  Christ  sert  comme  de  registre,  c'est  en  luy  que  nous  sommes  engravez,  et  que  Dieu  nous  recognoist  pour  ses  enfans.  Puis  donc  que  Dieu  nous  regarde  en  la  personne  de  Iesus  Christ,  il  s'ensuit  qu'il  ne  trouve  rien  en  nous,  que  nous  puissions  mettre  en  avant  pour  cause  de  nostre  election.  C'est  en  somme  ce  que  nous  avons  encores  a  retenir.  Il  y  a  puis  apres,  Que  c'est  a  fin  que  nous  soyons  purs  et  irreprehensibles  devant  Dieu>  voire  en  charite.  Ce  mot  de  charite  se  peut  rapporter  a  Dieu,  comme  s'il  estoit  dit  que  nous  ne  trouverons  point  autre  raison  que  l'amour  de  Dieu  gratuite,  quand  il  luy  a  pleu  nous  retenir  pour  ses  enfans.  Ou  bien  sainct  Paul  (comme  il  est  vray-semblable)  monstre  ici  quelle  est  l'integrite  et  la  vraye  perfection  des  fideles:  c'est  a  scavoir,  qu'ils  cheminent  en  toute  droiture  devant  Dieu.  Il  est  vray  que  nous  ne  pourrions  pas  deduire  le  tout  maintenant:  mais  il  nous  suffira  d'avoir  dit  en  somme  ou  sainct  Paul  a  regarde.  Car  ici  ii  monstre  que  l'election  de  Dieu,  combien  qu'elle  soit  gratuite  et  qu'elle  abbate  et  aneantisse  toute  dignite  des  hommes,  et  toutes  leurs  oeuvres,  et  leurs  vertus:  neantmoins  qu'elle  n'est  pas  pour  nous  donner  licence  de  mal-faire,  et  pour  mener  une  vie  confuse,  et  nous  ietter  a  l'abandon  :