5:269  DE  FUGIENDIS  IMPIORUM  SACRIS.  contemptui  facilius  sit  indulgendum.  Nullum  fore  numero  in  regno  coelorum  quum  audiunt  eum,  qui  vel1)  minimum  ex  Dei  praeceptis  contemptibile  sua  facilitate  iecerit,  qua  confidentia  dictitare  adhuc  audent  ,  omittendam  in  praesens  eius  mentionem,  in  quo  vulgo  ab  omnibus  fere  delinquatur?  Nimirum  haec  humani  iudicii  est  pravitas,  quale  ipsum  sit  quod  iubetur,  opinione  sua,  non  Dei  voluntate  expendere:  deinde  in  solum  praeceptum  intueri:  non  advertere  interim  (quod  maxime  referebat)  Deum  esse  legislatorem,  cuius  maiestas  levibus  etiam  illis,  si  ita  volunt,  transgressiunculis  minuatur.  At  vero  Dominus,  ut  huic  pravitati  obviaret,  doceretque  quam  nulla  legis  suae  particula  elevanda  esset  a  nobis,  volumen  maledictionis  in  universam  faciem  terrae  egressum  prophetae  (Zach.  5,  3)  in  visione  ostendit,  quo  [pag.  35]  furtum  omne  et  omne  periurium  pariter  condemnaretur.  In  eandem  quoque  sententiam  ab  Iacobo  (2,  11)  dictum  est:  Qui  vetuit  occidere,  vetuit  et  adulterari,  et  furari,  et  aliena  concupiscere.  Quare,  qui  totam  legem  servaverit,  si  offendat  in  uno,  factus  est  omnium  reus.  Sic  sic  instituendi  erant  homines,  nullum  esse  in  Dei  praeceptis,  quantumvis  exigua  de  re  praecipere  videatur,  quod  non  plus  quam  sacrosanctum  nobis  esse  debeat.  Nam  dum  ita  vel  minimae  rei  (cuius  tamen  observationem  lege  sua  mandaverit  Dominus)  negligentia  in  hominum  animos  dnsumatur:2)  irrepit  paulatim  et  subsequitur  legis  universae  ac  iustitiae  contemptus.  Insulsos  illos,  quos  aiunt,  religionis  descriptores,  si  qui  tamen  sunt,  qui  totam  ipsam  intra  unam  missae  abominationem  limitant,  adeo  tueri  mihi  in  animo  non  est,  ut  etiam  eorum  errori  fortiter  resistendum  censeam,  nec  pro  fidelibus  agnoscendos  ducam,  a  quibus  maxima  ex  parte  pietatis  vis  sic  enervetur.  Neque  tamen  si  praepostere  agunt,  dum  totam  religionem  minima  eius  portiuncula  terminant,  idcirco  non  et  illa,  quantulacunque  est  portio,  inter  eius  partes  continetur.  At  isti  dum  tantopere  missam  detestari  non  oportere  ex  eo  colligunt,  quod  quidam  nihil  aliud  esse  pietatem  falso  autumant,  quam  eius  detestationem:  perinde  faciunt,  ac  si  quis  furtum  et  homicidium  contemnenda  dicat,  quod  qui  in  ipsa  acerrime  hodie  vindicant,  adulteriis,  periuriis,  blasphemiis  ignoscunt.  Non  *ac  Dominus  noster.  Nam  quum  Pharisaeorum  et  scribarum  hypocrisin  castigaret,  qui  sic  minutissima  quaeque  legis  puncta  consectabantur,  ut  summa  interim  capita  praeterirent,  iudicium,  misericordiam,  et  veritatem:  non  docuit,  illis  1)  Sic  1550  et  seqq.  omnes.  Princeps  habebat:  vel  qui.  2)  Ste  1537  et  1550.  Gallice  vertitur:  quand^une  nonchalance  .  .  .  .  sera  survenue  es  coeurs.  Gallasii  quoque  exemplar  (1552)  quo  nos  usi  sumus,  exhibet  quidem  insumatur,  verum  iam  hic  lector  aliquis  calamo  correxit:  insinuatur,  et  ste  recentiores  omnes  legunt.