41:269  269  IN  DANIELEM.  CAP.  XL  270  tota  eius  soboles  parricidiis  etiam  periit:  tandem  cum  summo  dedecore  traxerunt  ad  se  Romani  Syriam,  et  illam  partem  Orientis.  Necesse  igitur  est  hoc  de  Romanis  exponere,  quos  scimus  feliciter  bellatos  esse,  praesertim  inter  orientales  populos.  Etsi  enim  interdum  laborarunt,  ut  postea  videbimus,  et  crastino  die  angelus  exponet,  tamen  statim  ad  suam  felicitatem  reversi  sunt.  Dicit  ergo  angelus  hunc  regem  feliciter  acturum  usque  ad  finem  irae,  hoc  est,  usque  dum  poenas  exegerit  Deus  de  hypocritis,  et  ita  humiliaverit  ecclesiam  suam.  Hoc  enim  ad  Deum  refero,  quemadmodum  cras  fusius  dicendum  erit.  Coepimus  heri  exponere  vaticinium,  ubi  de  romano  imperio  disserere  incipit  angelus.  Neque  enim,  ut  ostensum  fuit,  aliter  potest  hic  locus  exponi,  quoniam  absurdum  fuisset,  praetermittere  quod  erat  maxime  necessarium  cognitu.  Diximus  initio,  non  ut  pasceret  stultam  et  inanem  curiositatem  multorum  haec  Deum  testatum  fuisse  Danieli,  sed  ut  muniret  servos  suos,  ne  deficerent  in  gravissimis  illis  certaminibus.  Atqui  post  Antiochi  mortem  scimus  quam  variis  et  gravibus  machinis  Satan  conatus  fuerit  evertere  fidem  omnium  piorum.  Hac  igitur  in  parte  fulciri  oportuit  eorum  animos.  Iam  si  hoc  totum  tempus  fuisset  sepultum  silentio,  Deus  certe  non  visus  esset  prospexisse  servis  suis.  Ergo  aut  quidquid  hactenus  dictum  fuit,  esset  fere  inutile,  aut  oportuit  hoc  membrum  adiungi,  ne  prophetia  esset  trunca,  vel  mutila.  Et  ante  vidimus  quum  angelus  praediceret  futuras  mutationes,  non  fuisse  omissum  quod  nunc  iterum  tractatur  de  romano  imperio.  Hoc  igitur  tenendum  est  memoria,  angelum  non  loqui  de  Antiocho,  neque  etiam  transsilire  nunc  ad  Antichristum,  ut  alii  existimant,  sed  contexere  perpetuam  seriem,  ita  ut  fideles  praeparati  essent  ad  omnes  insultus,  quibus  poterat  concuti  eorum  fides,  nisi  opposita  fuisset  haec  munitio.  Iam  restat  explicandum  quod  dicitur  in  fine  versus,  nempe  usque  ad  finem  irae,  quia  decisio  facta  est.  Dixerat  angelus  hunc  regem  fore  protervum,  ita  ut  non  parceret  Deo  viventi,  sed  iacularetur  contra  ipsum  sua  convicia.  Nunc  adiungit,  usque  ad  finem  irae  prosperabitur.  Non  dubium  est  quin  angelus  hic  occurrat  tentationi,  quae  poterat  demergere  penitus  fideles,  nisi  sperassent  aliquem  exitum.  Per  Iram  porro  non  intelligitur  furor  eorum,  qui  missi  sunt  proconsules  in  Asiam  et  Orientem,  vel  ipsius  romani  populi  vel  senatus  acerbitas  ac  rigor,  sed  refertur  hoc  nomen  ad  Deum.  Tenendum  enim  est  quod  prius  admonui,  nempe  revocari  Dei  filios  ad  examen  suorum  vitiorum,  ut  sese  humilient  coram  Deo,  neque  obmurmurent,  vel  obstrepant,  dum  castigantur  eius  ferulis.  Scimus  enim  ut  natura  hominum  ad  impatientiam  feratur,  deinde  nihil  cruce