20:269  269  1564  MART.  270  et  mes  propres  femmes  ont  este  dejectees  et  chassees  aux  banquets  et  festes  par  ceux  mesmes  de  la  religion,  la  ou  estoient  toutes  les  autres,  jusques  aux  femmes  a  chapperon  de  drap,  qu'ils  conduisoient  en  chassant  les  miennes,  choses  que  j'ay  voulu  tolerer,  et  ne  m'en  a  de  rien  chalu:  et  les  mettois  entre  les  mains  de  leurs  marys,  ou  je  ne  les  estimois  moins  bien  que  les  autres,  et  demeurois  sans  nulle  de  me$  femmes,  ce  qui  ne  se  faict  a  celles  de  ma  qualite,  mais  ne  se  faisoit  a  beaucoup  moindre  ny  a  celles  qui  ne  les  y  debvoient  pas  avoir  selon  le  monde.  J'en  estimois  et  les  miennes  honnorees:  quant  aux  filles  de  ma  maison  ils  ne  leur  ont  pas  faict  presse:  je  voudrois  que  vostre  oeil  et  vostre  personne  peust  arriver  jusques  icy  pour  veoir  et  cognoistre  toutes  choses  comme  elles  passent,  mieux  qu'elles  ne  se  peuvent  escrire  et  referer.  Je  veoy  et  cognoy8)  que  la  remonstrance  que  vous  me  repliquez  particulierement  par  vostre  lettre  est  tres  requise  et  necessaire  pour  maintenir  l'eglise  reformee,  et  qu'il  y  seroit  bien  necessaire  quantite  d'anciens  surveillans  et  de  ministres  en  plus  grand  nombre,  et  que  mon  jugement  et  intelligence  fust  plus  grand  et  plus  parfaict:  toutesfois,  selon  ce  que  Dieu  m'en  a  departy  avec  l'experience  que  dez  long  temps  je  n'ay  eue,  et  les  remonstrances  que  autrefois  vous  m'en  avez  faictes  par  lettres  et  messagers,  il  me  semble  que  la  venue  souvent  icy  de  beaucoup  de  gens  de  bien,  de  ministres  y  serviroit  grandement,  et  que  chascun  d'eux  dict  librement  son  advis.  Dieu  me  face  la  grace  de  m'employer  a.  ce  qu'il  soit  servi  purement  et  sincerement  ainsy  que  vous  desirez.  Je  vous  asseure  que  c'est  aussy  mon  desir,  et  que  j'espere  qu'il  y  accomplira,  et  qu'il  vous  fera  cognoistre  aussi  bien  qu'il  a  faict  par  le  passe  ceux  par  qui  la  religion  n'est  pas  augmentee.  Et  quant  au  present  et  estraines  9)  que  vous  m'avez  envoyes,  je  vous  asseure  que  je  l'ay  veu  et  receu  volontiers,  et  n'en  avois  jamais  veu  de  pareil,  et  ay  loue  Dieu  que  le  feu  Roy  mon  pere  eust  prins  telle  devise  :  si  Dieu  ne  luy  en  a  accorde  la  grace  de  l'executer,  peut  estre  reserve  il  quelqu'un  de  ses  descendans  tenant  son  lieu  pour  l'accomplir.  Monsieur  Calvin,  de  respondre  a  tout  vostre  derniere  lettre  je  ne  le  voudrois  entreprendre  pour  ceste  fois,  afin  de  ne  tant  tarder  a  vous  escrire:  mais  le  plus  brevement  que  je  pourray,  vous  diray  qu'il  me  semble  que  par  ma  precedente  lettre  je  ne  vous  ay  sceu  persuader  mon  intention,  ou  qu'elle  vous  ait  este  persuadee  par  autre:  car  ce  que  vous  escrivois  de  deux  ministres,  dont  l'un  me  persuadoit  8)  N.  4055.  4067,  9)  la  medaille  que  Louis  X1L  fit  frapper  contre  le  pape  Jules  IL