1:269  PRAEFATIO  AD  REGEM  GALLIAE.  quid  alii  ante  nos  aut  dixerint,  aut  fecerint,  sed  quid,  qui  primus  omnium  est,  Christus  praeceperit.  Hunc  finem  neque  ipsi  sibi  praestituunt,  neque  aliis  praestitutum  habere  permittunt,  dum  quosvis  potius  et  sibi  et  aliis  magistros,  quam  Christum  praeficiunt.  Pater  erat,  1)  qui  contendit  ecclesiam  non  debere  se  Christo  praeponere,  quia  ille  semper  veraciter  iudicet,  ecclesiastici  autem  iudices,  sicut  homines,  plerumque  fallantur.  Hoc  etiam  fine  perrupto,  asserere  non  dubitant,  totam  scripturae  autoritatem  ab  ecclesiae  arbitrio  pendere.  Patres  omnes  uno  pectore  exsecrati  sunt,  et  uno  ore  detestati,  sanctum  Dei  verbum  sophistarum  argutiis  contaminari  et  dialecticorum  rixis  implicari.  An  isti  iis  limitibus  se  continent,  dum  nihil  aliud  in  tota  vita  moliuntur,  quam  infinitis  contentionibus  et  plusquam  sophisticis  iurgiis  scripturae  simplicitatem  involvere  et  impedire?  ut  si  nunc  patres  suscitentur,  et  huiusmodi  iurgandi  artem  audiant  (quam  speculativam  theologiam  appellant)  isti  nihil  minus  credant,  quam  de  Deo  haberi  disputationem.  Verum  latius  iustis  spatiis  sese  oratio  nostra  effunderet,  si  recensere  vellem  quam  petulanter  isti  patrum  iugum,  quorum  observantes  filii  videri  volunt,  excutiant.  Menses  profecto  atque  anni  me  deficerent.  Et  adeo  perdita  sunt  deplorataque  impudentia,  ut  nos  castigare  ausint,  quod  terminos  antiquos  transgrediamur.  2)  Iam  vero  quod  nos  ad  consuetudinem  vocant,  nihil  efficiunt.  Iniustissime  enim  nobiscum  ageretur,  si  consuetudini  cedendum  esset.  Equidem  si  recta  essent  hominum  iudicia,  consuetudo  a  bonis  petenda  erat;  verum  longe  aliter  saepiuscule  agi  contingit.  Quod  enim  a  multis  fieri  conspectum  est,  consuetudinis  ius  obtinuit.  3)  Atqui  vix  unquam  tam  bene  habuerunt  res  humanae,  ut  pluribus  placerent  meliora.  Ergo  ex  privatis  multorum  vitiis,  publicus  error  plerumque  factus  est,  vel  potius  communis  vitiorum  consensus;  quem  nunc  boni  isti  viri  pro  lege  esse  volunt.  Vident  qui  oculos  habent,  non  unum  mare  malorum  inundasse,  mul-  1)  August.  contr.  Cresconium  grammat.  lib.  2.  c.  21.  2)  transgredi  non  dubitemus  1543  seqq.  3)  mox  obtinet  1559.