7:268  et  Aaroni  se  conferre  nihil  pudet?  Dathan,  inquit,  et  Ohore  et  Abyron,  quod  adversus  Domini  sacerdotes  murmurassent,  horrendo  exemplo  perierunt.  Sed  quid  tu  simile  cum  Moyse  habes?  Tune  Domini  sacerdos,  o  sacrorum  omnium  profligator?  Non  modo  tumultuatus  est  Iehu  in  sacerdotes  Baal,  sed  armata  manu  eos  persequutus,  omnes  in  templo  idoli  sui  occidit.  Praeclarum  facinus,  et  quod  Dei  testimonio  commendatur.  Voce  tantum  Moysen  vulnerant  Dathan,  Chore  et  Abyron,  et  eos  terra  vivos  absorbet.  Tu  igitur  alius  sis,  ut  sacerdotii  iure  et  honore,  a  te  violando  principes  deterreas.  21)  Umbrae  serviebat  Aaronis  sacerdotium,  sed  continebat  non  inanem  veritatis  figuram,  et  sacrosancta  erat  Dei  autoritate  fundatum.  Quid  autem  praeter  larvam  nobis  ostentat  Papa?  Quo  fundamento  suffulta  est  eius  tyrannis?  Quo  denique  autore  a  summo  usque  ad  minimum  ad  sacrilegam  suam  functionem,  magico  potius  quam  christiano  ritu,  initiantur?  Etiam  si  crepare  [pag.  59]  debeant,  nulla  scripturae  syllaba  unquam  hoc,  quo  superbiunt,  sacerdotii  genus  approbabunt.  22)  Perversa  quidem  consuetudo  nihil  aliud  est,  quam  erroris  vetustas.  Sed  quis  pro  ecclesiae  consuetudine  hoc  recipiat,  ut  qui  praesulum  nomen  habent,  qualescunque  sint,  quidquid  agant,  etiam  si  nihil  minus  sint  quam  quod  vocantur,  pro  libidine