20:268  demande:  et  du  commencement  qu'il  me  demanda  d'assister  au  consistoire,  je  luy  accorday,  et  il  choisit  des  anciens  ceux  qu'il  luy  sembla.  Et  depuis  qu'il  me  dist  qu'il  ne  falloit  que  les  femmes  y  assistassent,  ny  que  je  y  fusse,  combien  que  je  scavois  que  la  Royne  de  Navarre,  madame  l'admirale  et  madame  de  Itoye^  s'y  trou  voient  en  leurs  maisons,  et  qu'il  y  en  alloit  de  ma  maison  propre,  toutesfois  je  n'ay  point  fait  instance  d'y  aller:  et  n'ay  laisse  quand  il  m'a  dict  de  parler  a  quelqu'un  de  ceux  de  ma  maison,  ou  que,  sans  ce  qu'ils  m'en  parlassent,  ils  m'ont  advertie  que  ils  les  y  avoient  appellez,  que  je  ne  les  aye  tousjours  exhortez  de  le  satisfaire,  et  y  servir  Dieu  ainsy  que  ledict  de  Coulonges  les  y  enseignoit  et  leur  diroit,  excepte  un  qui  avoit  la  charge  de  la  despense  de  la  cuisine,  auquel  je  ne  permis  y  entrer,  ayant  la  charge  qu'il  me  sembloit  suffisante  a  sa  portee  et  qualite,  estant  jeune,  et  doubtois  quelque  insolence  de  luy  en  tel  endroict,  comme  depuis  en  propre  cuisine  il  en  frappa  un  vieil  ancien  et  mal  sein,  lequel  n'estoit  entre  en  la  religion.  De  ceux  de  ceste  ville,  il  en  a  pris  et  oste  comme  bon  luy  a  semble,  sans  que  je  m'en  sois  empeschee,  et  quelquefois  d'eux  mesmes  s'en  sont  ostez,  comme  aussy  ont  faict  ceux  de  ma  maison,  ainsy  que  par  ledict  Toutenix  (qui  en  a  este)  pourriez  entendre  plus  particulierement,  et  de  present  je  ne  cognois  pas  que  ceux  de  la  ville  molestent  nul.  Je  prens  aide  et  conseil  de  monsieur  Padtniral7)  pour  reprimer  les  vices  et  scandales,  apres  celuy  de  Dieu,  et  se  veoit  qu'entre  ses  subjects  la  religion  se  accroist  et  augmente,  combien  qu'il  y  en  a  d'autant  contraires  comme  en  ce  lieu,  et  la  plus  part  sont  soubz  ce  bailliage,  et  y  a  mis  dm  presches  et  ministres:  ce  qui  ne  s'est  faict  aux  autres  mes  subjects,  fors  qu'en  un  lieu  seul  nomme  Bonny,  ou  parlant  l'un  de  ces  jours  avec  ledit  de  Coulonges  et  un  jeune  ministre  dudit  admiral  pour  y  en  envoyer  un,  parceque  quand  je  vins  en  ce  lieu,  et  devant  que  ledit  de  Coulonges  y  fust,  il  y  en  avoit  un  qui  se  retira  pour  les  guerres,  il  m'a  dict  y  en  avoir  envoye  a  ceste  heure  un  autre:  je  ne  scais  qu'il  est.  Et  quant  a  ceux  de  ma  maison,  les  premiers  et  ceux  de  qui  je  me  sers  le  plus  sont  de  la  religion  et  font  la  Cene:  reste  quelques  serviteurs  et  officiers  qui  sont  en  moindre  nombre,  et  j'espere  que  Dieu  les  retirera:  et  quant  privilege  de  moy  ny  de  ma  maison,  je  vous  asseure  que  je  n'en  ay  requis  ne  recherche,  et  que  je  n'ay  eu  si  peu  entre  les  fidels  que  tout  ce  qui  me  touche  et  depend  de  moy  a  tousjours  este  dejecte  et  mis  aux  derniers  endroits  et  aux  derniers  lieux,  et  mes  gens  7)  Voyez  ce  que  Calvin  dit  a  ce  sujet  N.  4074.  Chastillon  n'est  qu'a  15  kUometres  de  Montargis.