1:268  Patres  erant,  1)  qui  uti  universae  ecclesiae  unam  duntaxat  eucharistiam  exhibebant,  atque  ut  inde  arcebant  flagitiosos,  et  sceleratos,  ita  gravissime  damnabant  omnes  eos,  qui  praesentes  ea  non  communicarent  Hos  fines  quam  procul  submoverunt?  quum  non  templa  tantum,  sed  etiam  privatas  domos  missis  suis  replent,  ad  eas  spectandas  quosvis  admittunt,  et  eo  quemque  libentius,  quo  largius  quisque  numerat,  quantumvis  impuri  sint  et  scelesti;  ad  fidem  in  Christum,  et  fidelem  sacramentorum  communionem  invitant  neminem;  quin  potius  suum  opus  pro  gratia  et  merito  Christi  venditant.  Patres  erant,  quorum  unus  2)  ab  usu  sacrae  Christi  coenae  in  totum  submovendos  decrevit  qui  alterius  speciei  participatione  contenti  ab  altera  abstinebant;  alter  3)  fortiter  pugnat,  non  denegandum  populo  christiano  Domini  sui  sanguinem,  pro  cuius  confessione  sanguinem  suum  effundere  iubetur.  Hos  quoque  terminos  sustulerunt,  quum  inviolabili  lege  id  ipsum  iusserunt  quod  ille  excommunicatione  puniebat,  hic  valida  ratione  improbabat.  Pater  erat,  4)  qui  temeritatem  esse  asseruit,  de  re  obscura  in  utramvis  partem  definire  sine  claris  atque  evidentibus  scripturae  testimoniis.  Hunc  terminum  obliti  sunt,  quum  tot  constitutiones,  tot  canones,  tot  magistrales  determinationes  sine  ullo  Dei  verbo  statuerunt.  Pater  erat,  6)  qui  Montano  inter  alias  haereses  exprobravit,  quod  primus  ieiuniorum  leges  imposuisset.  Hunc  quoque  terminum  longe  excessere,  quum  ieiunia  strictissimis  legibus  sanxerunt.  Pater  erat,  6)  qui  negavit  ecclesiae  ministris  interdicendum  coniugium;  castitatem  pronuntiavit,  cum  propria  uxore  concubitum.  Et  patres  erant,  qui  eius  autoritati  assenserunt.  His  finibus  egressi  sunt,  quum  suis  sacrificis  caelibatum  severe  indixerunt.  Pater  erat,  7)  qui  censuit  unum  Christum  audiendum  esse,  de  quo  dictum  sit,  ipsum  audite:  nec  respiciendum  1)  Chrysost.  in  primo  c.  Ephes.  .  Calixtus  papa  de  consecrat.  dist.  2.  2)  Gelas.  canon.  comper.  de  consecrat.  dist.  2.  3)  Cyprian.  epist.  2.  lib.  1.  de  lapsis.  4)  August.  lib.  2.  de  peccat.  mer.  c.  ult.  5)  Apollon.  de  quo  eccles.  histor.  lib.  5.  c.  18.  6)  Paphnut.  tripert.  histor.  lib.  2.  c.  14.  7)  Cyprian.  epist.  2.  lib.  2.