51:267  267  SERMON  II  268  devant  la  creation  du  monde.  Et  ainsi,  cognoissons  que  pour  bien  magnifier  la  grace  de  Dieu,  il  nous  faut  venir  a  ceste  fontaine  (comme  i'ay  desia  dit)  et  a  la  cause  premiere,  c'est  a  scay  oir,  a  l'election.  Maintenant  nous  avons  a  passer  plus  outre,  car  il  dit,  Devant  la  creation  du  monde,  pour  exclure  tant  mieux  tout  regard  et  dignite  que  les  hommes  pourront  pretendre,  selon  que  nous  sommes  enclins  a.  nous  attribuer  tousiours  ie  ne  scay  quoy,  et  ne  pouvons  souffrir  d'estre  reduits  a  neant.  Selon  donc  que  par  telle  imagination  nous  cuidons  avoir  ce  que  nous  n'avons  pas,  il  estoit  besoin  que  S.  Paul  rabatist  ici  toute  telle  folle  fantasie.  Et  voila  pourquoy  il  dit  que  nous  ne  pouvions  pas  de  nostre  coste  nous  avancer,  quand  nous  n'estions  pas  nais  encores.  Et  mesmes  Dieu  nous  a  eleus  devant  que  le  monde  fust  cree.  Et  qu'est-ce  que  nous  luy  pouvions  donc  apporter?  Il  est  vray  que  les  Papistes  ont  bien  une  subtilite  en  cest  endroit  :  car  ils  disent  que  Dieu  a  eleu  a  salut  ceux  qui  ne  le  meritoyent  pas:  mais  il  a  eleu  ceux  lesquels  il  a  preveu  devoir  meriter.  Ils  confessent  bien  donc  qu'il  n'y  a  point  de  merites  qui  ayent  precede  en  ordre  ni  en  temps  l'election:  mais  que  Dieu  a  cognu  ceux  qui  en  seroyent  dignes,  comme  toutes  choses  luy  sont  patentes.  Les  Papistes,  en  parlant  ainsi,  ne  nient  pas  l'election  de  Dieu.  Et  mesmes  pour  monstrer  que  ces  vileins  qui  auiourd'huy  ne  peuvent  souffrir  qu'on  en  parle,  sont  comme  diables  encharnez,  et  qu'ils  endurent  une  impiete  plus  enorme  et  plus  vileineque  les  Papistes,  il  nous  faut  noter  que  les  Papistes  confessent  que  Dieu  a  eleu  et  predestine  devant  la  creation  du  monde  ceux  que  bon  luy  a  semble.  Ils  tiennent  cela:  ce  que  ces  diables-ci  nient,  et  voudroyent  avoir  du  tout  aneanti  Dieu  en  sa  maieste,  quand  ils  renversent  ainsi  son  conseil.  Les  Papistes  confessent  encores  d'avantage  (pour  le  moins  ceux  qui  ont  chemine  plus  droit  entr'eux,  et  ie  parle  mesmes  des  moines  et  des  caphars  qu'on  nomme  docteurs  scholastiques)  que  ceste  election  de  Dieu  est  gratuite,  et  que  Dieu  n'a  point  choisi  aucun  homme,  sinon  d'autant  qu'il  luy  a  pleu:  mais  tantost  apres  ils  meslent  et  brouillent  tout:  car  ils  disent  que  quand  Dieu  a  choisi  ceux  qu'il  luy  a  pleu,  c'a  este  pour  les  faire  meriter.  Et  voila  sur  quoy  ils  ont  fonde  leurs  merites,  tellement  qu'ils  concluent  que  les  homme  par  leur  vertu  peuvent  acquerir  le  Royaume  des  cieux.  Ils  disent  bien  que  quant  a  l'election,  c'est  un  don  gratuit:  mais  ils  retournent  tousiours  a  leur  fantasie,  que  Dieu  a  preveu  ceux  qui  devoyent  bien  faire.  Mais  comment  auroit-il  preveu  ce  qui  ne  peut  estre?  Car  nous  scavons  que  toute  la  lignee  d'Adam  est  corrompue,  et  que  nous  ne  scaurions  avoir  une  seule  bonne  pensee  pour  bien  faire,  tant  s'en  faut  que  nous  puissions  commencer.  Quand  Dieu  nous  attendroit  cent  mille  ans,  et  que  nous  pourrions  autant