5:267  EPISTOLA  L  hostiarum  reliquias,  festis  idolorum  epulis  assidebant.  Deum  ipsi  de  conscientiae  suae  innocentia  testabantur:  quandoquidem  contempta  gentium  vanitate,  nihil  aliud  quam  vescerentur  puris  Dei  creaturis,  quas  oratione  ac  gratiarum  actione  sanctificari  in  fidelium  usum  nossent.  Excipiebat  ille  contra,  consessum  illum  infidelium  ad  simulacri  cultum  convenire:  solenne  illud  epulum  idoli  nomine  gratiaque  institutum.  In  ea  ergo  et  conventus  et  epuli  celebritate  qui  sederet,  utcunque  animatus  apud  se  esset,  id  tamen  committere,  unde  et  idololatrarum  ludibrio  Dei  gloria  exponeretur,  et  imbecillae  fratrum  conscientiae  subverterentur:  quod  et  illi  consortem  ad  simulacri  sui  cultum  habere  se  christianum  hominem  autumarent,  ac  gloriarentur:  et  hi  eius  exemplo  ad  idem  agendum,  quanquam  nutante  vacillanteque  conscientia,  audaces  fierent.  Quid  autem  isti  nostri?  Ad  missam,  quam  longo  varioque  sacrilegiorum  apparatu  instructam  vident,  conveniunt:  et  conveniunt  cum  multitudine,  quam  perniciosa  missae  persuasione  misere  infatuatam  norunt.  Cuius  tamen  sic  caecitatem  superstitionemque  [pag.  33]  intus  miserantur,  ut  exterius  imitentur.  Panem  quem  idolum  reliquis  esse  sciunt,  simul  cum  illis  unoque  gestu  venerantur.  An  non  hic  et  Christi  crucem  apud  eius  inimicos  deridiculo  prostituunt,  et  infirmorum  fratrum  haesitantem  simplicitatem  exemplo  suo  ad  imitandum  concutiunt?  Non  est  igitur  cur  hinc  suae  praevaricationi  molliter  blandiantur,  adversus  quam  tanto  verborum  fulmine  exardere  apostolum  vident.  Quid,  quod  a  professis  iuratisque  Christi  et  evangelii  eius  adversariis,  hoc  veluti  pignus  abnegandae  verae  pietatis  de  se  exigi  intelligunt?  Hic  enim  illis  hodie  ad  explorandam  uniuscuiusque  fidem  lapis  lydius  est,  curiose  observare  quis  missam  audiat,  necne:  ut  in  uno  missae  cultu  tacitam  nescio  quam  professionem  accipiant,  qua  in  universas  suas  abominationes  semel  iuretur:  unius  missae  contemptu,  corruere  easdem  et  interire  existiment.  Respondeant  nunc  mihi  bona  fide  isti  missarum  alumni,  quibuscum  mihi  quaestio  est,  dum  capitalibus  verbi  Dei  hostibus  id  concedunt,  quod  illis  abiurandae  verae  religionis  symbolum  esse  non  ignorant:  an  non  hoc,  ceu  dato  pignore,  illorum  sese  exsecrabili  religioni  obligant  ac  devinciunt?  Non  enim  iam  qualis  ipsa  per  se  sit  missae  audientia,  considerandum  solum  dico,  sed  quantum  ponderis  cum  suis  circumstantiis  appensa  secum  ferat.  Aestimandum  *)  autem  tanti  censeo,  quantum  impiorum  improbitati  in  ea  dare  volunt.  Sit  nobis  ille  in  exemplum  Eleazarus,  de  quo  Machabaeorum  narrat  historia  :2)  illa  item,  quae  ibidem  refertur,  mu-  1)  Gallasii  editio  emendas  :  Aestimandam,  quod  recentiores  omnes  recipiunt  Versio  gallica  habet:  il  est  a  estimer.  2)  Iosephus  in  libello  de  Machabaeis  et  2  Mach.  6.  7.