47:267  267  IN  EVANGELIUM  IOANNIS  268  athleta  qui  se  ad  certamen  instruit,  non  mirum  est  si  iterum  fremat.  Violenta  enim  mortis  tyrannis,  quae  illi  vincenda  erat,  ante  oculos  versatur.  Sunt  qui  exponant  ex  indignatione  natum  esse  hunc  fremitum,  quod  eum  offenderet  ista  incredulitas,  de  qua  diximus.  Verum  altera  ratio  mihi  videtur  esse  aptior,  nempe  quod  rem  ipsam  magis  quam  homines  intuitus  fuerit.  Sequuntur  variae  circumstantiae,  quae  Christi  virtutem  in  Lazaro  suscitando  magis  illustrant:  nempe  tempus  quatridui,  quod  sepulcrum  lapide  obstructum  erat,  quem  in  omnium  conspectu  tolli  iubet  Christus.  39.  Dicit  Iesus:  Tollite  lapidem:  Dicit  ei  soror  eius,  qui  mortuus  fuerat,  Martha:  Domine  iam  foetet:  quatriduanus  enim  est.  40.  Dicit  ei  Iesus:  Nonne  dixi  tibi,  quod  si  credas,  videbis  gloriam  Dei?  41.  Sustulerunt  ergo  lapidem,  ubi  positus  erat  is,  qui  fuerat  mortuus.  Iesus  autem  sustulit  oculos  sursum  et  dixit:  Pater,  gratias  ago  tibi  quod  me  audisti.  42.  Ego  autem  sciebam,  quod  me  semper  audis,  sed  propter  turbam,  quae  circumstat,  dixi,  ut  credant,  quod  tu  me  miseris.  43.  Quum  haec  dixisset,  voce  magna  clamavit  :  Lavare,  veni  foras.  9  44.  Et  exivit  qui  mortuus  fuerat,  fasciis  vinctus  pedes  et  manus,  et  facies  eius  sudario  circumligata  erat.  Dicit  eis  Iesus:  Solvite  eum  et  sinite  abire.  39.  Domine,  iam  foetet.  Hoc  signum  est  diffidentiae:  quia  minus  quam  deceat  sibi  de  Christi  virtute  promittit.  "  Radix  mali  est,*  quia  immensam,  et  incomprehensibilem  Dei  potentiam  carnis  suae  sensu  metitur:  quia  enim  vitae  nihil  minus  convenit  quam  putredo  et  foetor,  colligit  Martha  iam  non  esse  remedio  locum.  Ita  quum  praeposterae  cogitationes  animos  nostros  occupant,  quodammodo  arcetur  a  nobis  Deus,  ne  opus  suum  in  nobis  impleat.  Certe  non  stetit  per  Martham  quin  frater  perpetuo  iaceret  in  sepulcro,  quia  spem  vitae  eius  sibi  praecidens  viam  simul  ad  eum  suscitandum  obstruere  Christo  nititur,  et  tamen  nihil  minus  habebat  in  animo.  Hoc  facit  fidei  imbecillitas,  ut  distracti  huc  et  illuc  nobiscum  ipsi  pugnemus,  et  dum  altera  manu  porrecta  petimus  a  Deo  auxilium,  altera  in  promptu  oblatum  repellamus.  Non  mentita  quidem  fuerat  Martha,  quum  diceret,  Scio  quod  quidquid  petieris  a  Deo,  dabit  tibi:  sed  parum  iuvat  confusa  fides  et  implicita,  nisi  quum  ad  rem  praesentem  ventum  est  in  usum  applicetur.  Caeterum  in  Martha  perspicere  licet  quam  multiplices  sint  fidei  defectus  etiam  in  optimis.  Venerat  prima  in  occursum  Christi:  hoc  non  vulgare  pietatis  testimonium,  et  tamen  impedimenta  illi  obiicere  non  desinit.  Ergo  ut  aditus  ad  nos  patefiat  Dei  gratiae,  discamus  longe  maiorem  illi  potentiam  tribuere  quam  capiant  sensus  nostri  :  quod  si  non  satis  apud  nos  viget  prima  et