41:267  267  PRAELECTIONES  268  teris,  partim  domesticis,  non  poterant  ut  solebant  nocere  Iudaeis:  tunc  a  Romanis  ingestae  fuerunt  novae  molestiae.  Scimus  enim,  quum  ab  una  parte  multi  se  iactarent  Syriae  reges,  Romanos  interposuisse  suam  autoritatem,  idque  mala  fide,  ut  sibi  Orientem  subiicerent:  deinde  quum  Attalus  populum  romanum  instituit  haeredem,  hinc  factum  est  ut  Asia  minor  ab  ipsis  absorpta  fuerit.  Dominati  sunt  etiam  Syris  ex  testamento  stulti  illius  regis,  qui  fraudavit  legitimos  haeredes,  ut  post  mortem  aliquid  gratiae  vel  memoriae  acquireret,  si  populus  romanus  esset  haeres.  Ab  eo  tempore,  quum  subolfecissent  opulentiam  illarum  regionum  Romani,  non  destiterunt  quaerere  bellandi  materiam.  Et  tandem  Pompeius  Syriam  fecit  provinciam,  quum  tamen  Lucullus,  qui  ante  gesserat  bellum  cum  Mithridate,  Tigrani  restituisset  regnum.  Pompeius,  quemadmodum  iam  dixi,  subiecit  Syriam  Romanis.  Reliquit  quidem  templum  intactum,  sed  quam  crudeliter  egerit  cum  Israelitis,  etiam  coniici  potest  ex  communi  illius  gentis  more.  Scimus  enim  quam  clementer  Romani  tractaverint  gentes  devictas.  Postea  Crassus  qui  erat  omnium  rapacissimus,  quum  multa  audivisset  de  Iudaeae  opibus,  oppetivit  provinciam  illam.  Scimus  enim  ipsum,  et  Pompeium,  et  Caesarem,  quum  adhuc  amici  essent,  partitos  fuisse  orbem  terrarum,  ut  Caesari  Gallia  et  Italia  tota  cederet,  Pompeius  autem  duas  Hispanias  obtineret,  et  partem  Aphricae,  et  Siciliam.  Crassus  sibi  optavit  Syriam,  et  orientales  illas  regiones,  ubi  misere  tandem  periit,  et  caput  eius  oppletum  auro  perlatum  fuit  per  ludibrium  huc  et  illuc.  Secunda  fuit  calamitas  in  illo  incursu  Crassi  :  ab  eo  tempore  multis  bellis  et  fere  continuis  vexati  fuerunt  Iudaei.  Ante  illud  quidem  tempus  foedus  pepigerant  cum  Romanis,  quemadmodum  satis  apparet  non  tantum  ex  libris  Machabaeorum,  sed  etiam  ex  profanis  scriptoribus.  Ideo  etiam  ille  dicebat  largitos  fuisse  ex  alieno,  quum  assererent  Iudaeos  in  libertatem.  Sed  hoc  fuit  illis  solenne  et  perpetuum,  ut  initio  comiter  exciperent  quicunque  petebant  cum  ipsis  societatem  et  foedus:  deinde  ipsos  crudeliter  obruerent.  Sic  actum  fuit  cum  miseris  Iudaeis.  Non  abs  re  igitur  angelus  de  ipsis  vaticinatur,  postquam  loquutus  est  de  Antiocho.  Atque  haec  quidem  omnia  nunc  breviter  tenenda  sunt  :  deinde  ex  contextu  melius  nobis  liquebit,  non  posse  alios  in  hoc  vaticinio  intelligi,  quam  Romanos.  Sed  nunc  venio  ad  verba,  Faciet  j  inquit,  rex  secundum  voluntatem  suam.  Dixi  perperam  hoc  restringi  ad  unius  hominis  personam,  quia  vaticinatur  angelus  de  continuo  tractu  monarchiae  romanae.  Extollet  se,  et  magnificabit  se,  inquit,  supra  omnem  deum.  Hoc  postea  iterum  explicabitur,  ubi  dicet  regem  hunc  fore  contemptorem  omnium  deorum.  Sed  quod  ad  praesentem  locum  spectat,  sciamus,